پشاور زلمی پی ایس ایل سیزن 5 سے باہر ہوگئی

پشاور زلمی پی ایس ایل سیزن 5 سے باہر

عروبہ خان

15th Nov, 2020. 12:09 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پشاور زلمی پی ایس ایل سیزن 5 سے باہر

لاہور قلندرز نے 5 وکٹوں سے پشاور زلمی کو شکست دے دی ہے جس کے بعد پشاور زلمی پی ایس ایل سیزن 5 سے باہر ہوگئی ہے۔

تفصیلات کے مطابق لاہور قلندرز نے پشاور زلمی کیخلاف ٹاس جیت کر فیلڈنگ کا فیصلہ تھا تاہم اب پشاور زلمی پی ایس ایل سیزن 5 سے باہر ہوگئی ہے۔

لاہور قلندرز نے پشاور زلمی کی جانب سے دیا جانے والا 171 رنز کا ہدف 19ویں اوورز میں 5 وکٹوں کے نقصان پر حاصل کرلیا۔

محمد حفیظ نے 74 رنز کی ناقابل شکست اننگز کھیلی، حفیظ کی اننگز میں 9 چوکے اور 2 چھکے شامل تھے، ڈیوڈ ویزے وہاب ریاض کی دو گیندوں پر دو چھکے لگائے اور 7 گیندوں پر 16 رنز بنائے۔

فخر زمان صرف 6 رنز بنا کر پویلین روانہ ہوئے، تمیم اقبال 18 رنز بناسکے، سہیل اختر 7 رنز بنا کر آؤٹ ہوئے، بین ڈنک اور سمٹ پٹیل نے 20، 20 رنز کی اننگز کھیلی۔

پشاور زلمی کے ثاقب محمود نے 3 وکٹیں حاصل کیں، راحت علی اور محمد عمران ایک، ایک وکٹ حاصل کرسکے۔

یاد رہے کہ اس سے قبل کراچی کنگز سنسنی خیز مقابلےکے بعد سپر اوور میں ملتان سلطانز کو شکست دے کر پہلی مرتبہ فائنل میں رسائی حاصل کرچکی ہے۔

واضح رہے پی ایس ایل ایونٹ کے پلے آف میچز لاہور میں ہونا تھے لیکن کو کورونا وائرس کی وباء کے باعث ایونٹ ملتوی کردیا گیا تھا۔