فواد احمد نے کورونا ٹیسٹ مثبت آنے کی تردید کردی

سید قاسم رضا

09th Mar, 2021. 05:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فواد احمد نے کورونا ٹیسٹ مثبت آنے کی تردید کردی

پاکستانی نژاد آسٹریلوی کرکٹر فواد احمد نے دوبارہ کورونا ٹیسٹ مثبت آنے کی تردید کردی ہے۔

تفصیلات کے مطابق پاکستان سپر لیگ ( پی ایس ایل) کے چھٹے سیزن میں اسلام آباد یونائیٹڈ کی نمائندگی کرنے والے فواد احمد نے دوبارہ کورونا ٹیسٹ مثبت آنے کی خبروں کی تردید کردی ہے۔

ایک نجی چینل کے صحافی کی جانب سے ٹوئیٹ میں کہا گیا کہ فواد احمد کا قرنطینہ میں کیا گیا دوسرا کورونا ٹیسٹ بھی مثبت آگیا ہے جس کے بعد ان کا قرنطینہ بڑھادیا گیا۔

https://twitter.com/bachaji23/status/1369252779911352323

ٹوئیٹ کے جواب میں فواد احمد نے کہا کہ تم جھوٹ کیوں بول رہے ہو؟جس پر ایک خاتون صحافی نے ان سے پوچھا کہ حقیقت کیا ہے۔

فواد احمد نے جوابی ٹوئیٹ میں بتایا کہ ان کا گذشتہ روز کیا جانے والا کورونا ٹیسٹ منفی آیا تھا اور اب مزید ایک اور ٹیسٹ کی رپورٹ کا انتظار ہے جس کے منفی آنے کےبعد میں قرنطینہ سے نکل جاؤں گا۔