لاہور: صوبائی وزیر قانون پنجاب راجہ بشارت نے کھیلوں کی سرگرمیوں کے فروغ کے لیے بڑا اعلان کردیا ہے۔
صوبائی وزیر قانون پنجاب راجہ بشارت کا کہنا ہے کہ راولپنڈی میں کھیلوں کی سرگرمیوں کو فروغ دینے کے لئے وزیر اعلی پنجاب عثمان بزدار کے ویژن کے مطابق کرڑوں روپے کے لئے خطیررقم سے تین منصوبے مکمل کیے جائیں گے۔
ان خیالات کا اظہار انہوں نے گزشتہ روز شہناز شیخ ہاکی اسٹیڈیم میں گلزار اختر ممیوریل ہاکی ٹورنامنٹ کے بعد راولپنڈی ڈسٹرکٹ ہاکی ایسوسی ایشن کے عہدے داروں سے خصوصی گفتگو کرتے ہوئے کیا۔
اس موقع پر پنجاب ہاکی ایسوسی ایشن کے سینئر رکن محمد یاسین، راجہ شاہد بھی موجود تھے۔ صوبائی وزیر قانون پنجاب راجہ بشارت کا کہنا تھا کہ منی اسپورٹس کمپلیکس لیاقت باغ میں ہوسٹل، اسپورٹس کمپلیکس ڈبل روڈ میں سوئمنگ پول اور شہناز شیخ ہاکی اسٹیڈیم کی اپ گریڈیشن پر خطیر رقم خرچ کی جارہی ہیں ان منصوبوں کی تکمیل سے راولپنڈی کے شہریوں کو صحت مند سرگرمیوں کی جانب راغب کرنے کے مواقع ملیں گے اور نوجوان مستقبل میں اپنے شہر کا نام دنیا بھر میں روشن کریں گے۔
انہوں نے کہا کہ پاکستان ہاکی فیڈریشن کے اشتراک سے راولپنڈی میں قومی سطح کے ہاکی کے مقابلوں کا انعقاد کیا جائے گا جبکہ اس بارے میں جلد پاکستان ہاکی فیڈریشن کے عہدے داروں سے ملاقات کی جائے گی۔
انہوں نے کہا کہ راولپنڈی سے تعلق رکھنے والے سابق اولمپینز کے نام سے چیمپئن وال شہناز شیخ ہاکی اسٹیڈیم میں نصب کی جائے گی اور اولمپیئنز کے نام سے ٹورنامنٹس آرگنائز کئے جائیں گے۔ کھیلوں کے منصوبوں کی تکمیل کے حوالے سے وزیر آعلی عثمان بزدار خصوصی دلچسپی لے رہئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News