کراچی: ویمنز ورلڈ کپ کوالیفائر زمبابوے میں منسوخی کے بعد قومی ویمن ٹیم واپس وطن پہنچ گئی ہے۔
تفصیلات کے مطابق قومی ویمن ٹیم زمبابوے میں ہونے والے کوالیفائر میں شرکت کے بعد واپس وطن پہنچ گئی ہے جبکہ قومی ویمن ٹیم 3 دن قرنطینہ میں رہے گی جبکہ قومی ویمن ٹیم زمبابوے سے براستہ عمان وطن واپس پہنچی ہے۔
واضح رہے کہ افریقی ممالک میں کورونا کے نئے ویرینٹ کے پھیلاوں اور سفری بندشوں کے باعث ویمنز ورلڈ کپ کوالیفائر کو ختم کردیا گیا تھا۔
ویمنز ورلڈ کپ کوالیفائر کی منسوخی کی وجہ سے اب ایونٹ میں پوائنٹس کی بنیاد پر پاکستان، بنگلادیش اور ویسٹ انڈیز نے آئی سی سی ویمنز ورلڈ کپ 2022 کے لیے کوالیفائی کرلیا ہے۔
اس سے قبل آئی سی سی ہیڈ آف ایونٹس کرس ٹیٹلے کا کہنا تھا کہ ہمیں ٹورنامنٹ کینسل کرنے پر بڑی مایوسی ہوئی ہے، زمبابوے سے جتنا جلد ممکن ہو سکا پرواز کریں گے۔
خیال رہے کہ کورونا کے اس نئے ویرینٹ کو سائنسدانوں نے بی اعشاریہ ایک اعشاریہ ایک اعشاریہ پانچ دو نو کا نام دیا ہے جبکہ اسے اومی کرون کا نام دیا گیا ہے۔
ماہرین کے مطابق اس نئے ویرینٹ کا مشاہدہ کرنے پر وہ دنگ رہ ہوگئے ہیں کیونکہ انہوں نے اس سے قبل کورونا کی اتنی خطرناک قسم نہیں دیکھی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News