جوہانسبرگ ٹیسٹ میں فتح کے لیے جنوبی  افریقی ٹیم کو 240 رنز کا ہدف درکار ہے۔

جوہانسبرگ ٹیسٹ کے تیسرے روز بھارتی ٹیم اپنی دوسری اننگز میں 266 رنز بناکر آل آؤٹ ہوگئی اور جنوبی افریقا کو جیت کے لیے 240 رنز کا ہدف دے دیا۔

بھارت کی جانب سے اجنکیا رہانے (58) اور  چتیشور پجارا(53) نصف سنچریز اسکور کرکے نمایاں رہے۔ہنوما وہاڑی 40 رنز پر ناقابل شکست رہے۔ شردل ٹھاکر 28، میانک اگروال 23 اور روی چندرن ایشون 16 رنز بناسکے۔

ان کے علاوہ کپتان کے ایل راہول 8 ، جسپریت بمراہ 7 جبکہ ریشابھ پانت،محمد سراج  اور محمد شامی بغیر کھاتہ کھولے ہی پویلین لوٹ گئے۔

Advertisement

India add 78 crucial runs after lunch to set South Africa a target of 240 🎯

Watch #SAvIND live on https://t.co/CPDKNxoJ9v (in select regions) 📺#WTC23 | https://t.co/WrcdXdQlUm pic.twitter.com/7x4WzWNyLA

— ICC (@ICC) January 5, 2022

جنوبی افریقا کی جانب سے کگیسو ربادا ، مارکو جینسن اور لنگی نگیدی نے 3،3 جبکہ ڈوین اولیور نے ایک حاصل کی۔

اس سے قبل جنوبی افریقی ٹیم نے اپنی پہلی اننگز میں 229 رنز بناکر بھارت پہ 27 رنز کی برتری حاصل کی تھی۔کیگان پیٹرسن  62 اور ٹمبا باووما 51 رنز بناکر نمایاں رہے تھے۔

بھارت کی جانب سے شردل ٹھاکر نے 7، محمد شامی نے 2 اور جسپریت بمراہ نے ایک حاصل کی تھی۔

بھارتی ٹیم اپنی پہلی اننگز میں 202 رنز پر ڈھیر ہوگئی تھی۔کپتان کے ایل راہول  50 رنز بناکر نمایاں رہے تھے۔

جنوبی افریقا کے مارکو جینسن نے 4 ، ڈوین اولیور  اور کگیسو ربادا نے 3،3 وکٹیں حاصل کی تھیں۔