وکٹ کیپر بلے باز کامران اکمل اور ارشد اقبال کے بعد پشاور زلمی کے مزید 2 کھلاڑی کورونا وائرس کا شکار ہوگئے۔
ذرائع کے مطابق پشاور زلمی کے کپتان وہاب ریاض اور جارح مزاج بلے باز حیدر علی بھی کورونا وائرس کا شکار ہوگئے ہیں۔
دونوں کھلاڑیوں نے خود کو قرنطینہ کرلیا ہے اور ان کے متبادل کھلاڑیوں کا اعلان جلد ہی کردیا جائے گا۔
اس سے قبل عمان لیجنڈز لیگ سے واپسی پر کامران اکمل کا کورونا ٹیسٹ بھی مثبت آیا تھا جبکہ ارشد اقبال بھی وائرس کا شکار ہوگئے تھے جن کے متبادل کے طور پر امام الحق اور عماد بٹ کو ٹیم میں شامل کیا گیا ہے۔
یاد رہے کہ پشاور زلمی کو اپنا پہلا میچ کوئٹہ گلیڈی ایٹرز کے خلاف 28 جنوری کو کھیلنا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News