پی ایس ایل 7: پشاور زلمی کو بڑا دھچکا، دو اہم غیر ملکی کھلاڑی اسکواڈ سے باہر

اعجاز وسیم باکھری

19th Feb, 2022. 03:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ایس ایل 7: پشاور زلمی کو بڑا دھچکا، دو اہم غیر ملکی کھلاڑی اسکواڈ سے باہر

پشاور زلمی کے دو اہم غیر ملکی کھلاڑی اسکواڈ سے باہر ہوگئے۔

تفصیلات کے مطابق پشاور زلمی کے ایسے موقع پر دو اہم غیر ملکی کھلاڑی کی خدمات سے محروم ہونا پڑ رہا ہے جب پاکستان سپر لیگ (پی ایس ایل) کے ساتویں ایڈیشن کے کوالیفائر مرحلہ شروع ہونے میں صرف 4 روز باقی رہ گئے ہیں۔

انگلینڈ کے ٹام کوہلر کیڈمور انجری کی وجہ سے پی ایس ایل کے رواں سیزن سے باہر ہوگئے ہیں جبکہ ویسٹ انڈیز کے شرفین ردرفورڈ نے ذاتی مصروفیات کے باعث لیگ سے علیحدگی اختیار کرلی۔

دونوں کھلاڑی اسکواڈ کو چھوڑ کر وطن روانہ ہوگئے ہیں۔ انگلینڈ سے تعلق رکھنے والے بیٹنگ آل راؤنڈر بینی ہوول نے بطور متبادل کھلاڑی پشاور زلمی کو جوائن کرلیا ہے۔

واضح رہے کہ پشاور زلمی کو اپنا آخری لیگ میچ 21 فروری کو لاہور قلندرز کے خلاف کھیلنا ہے جبکہ پشاور کی ٹیم کوالیفائیر مرحلے میں پہلے ہی رسائی حاصل کر چکی ہے۔