جنوبی افریقا نے دوسرے ٹیسٹ میچ میں نیوزی لینڈ کو شکست دے دی۔
تفصیلات کے مطابق جنوبی افریقا نے دوسرے ٹیسٹ میچ میں نیوزی لینڈ کو 198 رنز سے شکست دے کر دو ٹیسٹ میچز کی سیریز 1-1 سے برابر کردی ۔
426 رنز کے ہدف کے تعاقب میں کیوی ٹیم 227 رنز بناکر آؤٹ ہوگئی۔ڈیوون کونوے 92 اور ٹام بلنڈیل 44 رنز بناکر نمایاں رہے۔
Congratulations to @OfficialCSA on making the series 1-1 and delivering the @ANZ_NZ Play of the Day at Hagley Oval. #NZvSA pic.twitter.com/B7j9AS2Xyr
Advertisement— BLACKCAPS (@BLACKCAPS) March 1, 2022
ڈیرل مچل 24، کولن ڈی گرینڈ ہوم 18، ٹم ساؤتھی 17، کائل جیمیسن 12، ہینری نکلز 7، کپتان ٹام لیتھم ایک جبکہ ول ینگ اور میٹ ہینری بغیر کوئی رن بنائے آؤٹ ہوئے ۔ نیل ویگنر10 رنز بناکر ناٹ آؤٹ رہے۔
کگیسو ربادا، مارکوجینسن اور کیشو مہاراج نے 3،3 جبکہ لتھو سپاملا نے ایک وکٹ حاصل کی۔
اس سے قبل جنوبی افریقا نے اپنی دوسری اننگز 354 رنز 9 کھلاڑی آؤٹ پر ڈکلیئر کی تھی۔کائل ویرین نے 136 رنز کی ناقابل شکست اننگز کھیلی تھی۔
ان کے علاوہ کگیسو ربادا 47اور ریسی وینڈر ڈسن 45 رنز بناکرنمایاں رہے تھے۔
نیوزی لینڈ کی جانب سے ٹم ساؤتھی، میٹ ہینری، کائل جیمیسن اور نیل ویگنر نے 2،2 جبکہ کولن ڈی گرینڈ ہوم نے ایک حاصل کی۔
یاد رہے کہ جنوبی افریقا نے ٹاس جیت کر پہلے بیٹنگ کرتے ہوئے پہلی اننگز میں سرل ایروی (108) کی سنچری کی بدولت 364 رنزبنائے تھے۔
نیوزی لینڈ کی جانب سے نیل ویگنر نے 4، میٹ ہینری نے 3 ، کائل جیمیسن نے 2 اور ٹم ساؤتھی نے ایک وکٹ حاصل کی تھی۔
نیوزی لینڈ کی ٹیم نے اپنی پہلی اننگز میں کولن ڈی گرینڈوہوم (120)کی سنچری اور ڈیرل مچل(60) کی نصف سنچری کی بدولت 293 رنز بنائے تھے۔
جنوبی افریقا کی جانب سے کگیسو ربادا نے 5، مارکو جینسن نے 4 اور کیشو مہاراج نے ایک وکٹ حاصل کی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News