قومی کرکٹ ٹیم کے کپتان بابر اعظم ٹیسٹ میچ کی چوتھی اننگز میں 500 منٹ بیٹنگ کرنے والے پہلے پاکستانی بن گئے۔

کپتان بابر اعظم سے پہلے چوتھی اننگز میں پاکستان کی سب سے طویل بیٹنگ کا یہ اعزاز شعیب ملک کے پاس تھی۔

یا د رہے کہ شعیب ملک نے 2006 میں سری لنکا کیخلاف 488 منٹ بیٹنگ کی تھی۔

دوسری جانب دوسرے ٹیسٹ کی چوتھی اننگز میں عبداللّٰہ شفیق اور بابر اعظم نے شراکت کا بھی نیا ریکارڈ بنایا۔

دونوں بیٹرز کے درمیان چوتھی اننگز کی شراکت 500 سے زائد گیندوں پر مشتمل ہے جو کسی بھی ٹیسٹ میں بالز کے اعتبار سے چوتھی اننگز کی سب سے بڑی شراکت ہے۔

اس سے قبل چوتھی اننگز میں بھارت کے راہول ڈریوڈ اور دیپ داس گپتا کی جوڑی 500 بالز تک ڈٹی رہی تھی۔

بھارتی کرکٹر نے یہ کارنامہ 2011 میں جنوبی افریقا کیخلاف انجام دیا تھا۔

واضح رہے کہ پاکستان اور آسٹریلیا کے درمیان جاری کراچی ٹیسٹ میچ میں آخری اور فیصلہ کن دن کا کھیل جاری ہے۔

دونوں ٹیموں کے درمیان جاری سیریز کے دوسرے ٹیسٹ کے پانچویں دن پاکستانی ٹیم نے 192رنز 2 کھلاڑی آؤٹ سے اپنی دوسری نا مکمل اننگز کا دوبارہ آغاز کیا۔

اس وقت بابراعظم 160 رنز کے ساتھ وکٹ پر موجود ہیں جبکہ ان کا ساتھ دینے کے لیے محمد رضوان کریز پر موجود ہیں۔