قومی نیٹ بال چیمپین شپ میں مردوں اور خواتین کے دونوں ٹائٹلز پاکستان واپڈا نے جیت لئے ہیں جبکہ سٹی اسکول پی اے ایف نے قومی انٹراسکول نیٹ بال چیمپین شپ جیت لی ہے۔
پاکستان اسپورٹس بورڈ کے ڈائریکٹر جنرل کرنل ریٹائرڈ آصف زمان نے کھلاڑیوں میں انعامات تقسیم کئے، اس موقع پر پاکستان نیٹ بال فیڈریشن کے چیئرمین کیپٹن ریٹائرڈ ظفر اقبال، صدر مدثر آرائیں نے شرکت کی۔
علاوہ ازیں پاکستان نیٹ بال فیڈریشن کے سیکرٹری جنرل گوہر رضا اور پاکستان واپڈا اسپورٹس بورڈ کے ڈائریکٹر جنرل محمد مشرف خان سمیت پاکستان نیوی کے مہر محمد ساجد کے علاوہ شائقین کی کثیر تعداد بھی موجود تھی۔
گذشتہ روزلیاقت جمنازیم اسلام آباد میں کھیلے گئی چیمپئن شپ کے مردوں کے فائنل میں پاکستان واپڈا نے پاکستان آرمی کو ایک سخت مقابلے کے بعد 23-24 گول سے شکست دے کر چیمپئن ہونے کا اعزاز حاصل کیا ہے۔
مردوں کی تیسری پوزیشن کے میچ میں پاکستان نیوی نے ہائر ایجوکیشن کمیشن کو 30-22 سے ہرا دیا۔
خواتین کے ایونٹ میں پاکستان وااپڈا نے ہائرایجوکیشن کمیشن کو 22-11 کو شکست دے کر چیمپئن ہونے کا اعزاز حاصل کیا ہے جبکہ خواتین کے ایونٹ کی تیسری پوزیشن کے میچ میں پاکستان آرمی نے سندھ کو 18-15 سے ہرایا۔
قومی انٹر اسکولز اینڈ کالجز گرلز انڈر 17 چیمپئن شپ کے فائنل میں سٹی پی ایف چیپٹر کراچی نے دانش راجن پور کو 20-16 سے ہرایا جبکہ تیسری کے میچ میں دانش میانوالی نے حبیب گرلز کراچی کو 8-5 سے شکست دی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News