کپتان بابر اعظم اس وقت بین الاقوامی کرکٹ کے بہترین بلے باز ہیں جن کی ہر طرف چرچہ رہتی ہے اور ایسا ہی ایک واقعہ حال ہی میں انگلینڈ نیوزی لینڈ میچ کے دوران پیش آیا۔

پاکستان کرکٹ ٹیم کے 27 سالہ کپتان بابر اعظم وائٹ بال کرکٹ میں نمبر ون بلے باز ہیں جبکہ ٹیسٹ کرکٹ میں وہ چوتھی پوزیشن پر براجمان ہیں۔

یہی وجہ ہے کہ وہ آج کل ہر طرف چرچہ میں رہتے ہیں، انگلینڈ نیوزی لینڈ کے درمیان جاری تیسرے ٹیسٹ میچ کے دوران سابق کھلاڑی سائمن ڈول نے مشہور فیب فور کے بارے میں بات کرتے ہوئے بابر اعظم کی خوب تعریف کی۔

https://twitter.com/Raaafayyy/status/1540689750889308160?ref_src=twsrc%5Etfw%7Ctwcamp%5Etweetembed%7Ctwterm%5E1540689750889308160%7Ctwgr%5E%7Ctwcon%5Es1_&ref_url=https%3A%2F%2Fcricketpakistan.com.pk%2Fen%2Fnews%2Fdetail%2Fhe-is-the-big-one-at-the-moment-babar-azam-receives-praise-during-engv

واضح رہے کہ فیب فور میں ویرات کوہلی، کین ولیمسن،اسٹیو اسمتھ اور جوروٹ شامل ہیں۔

فیب فور پر بات کرتے ہوئے سائمن ڈول کا کہنا تھا کہ اس میں بحث کرنے کی کوئی گنجائش نہیں ہے کہ پاکستان کے کپتان بابر اعظم اس وقت دنیا کے بہترین اور سب سے بڑے کھلاڑی ہیں۔

انہوں نے کہا کہ جہاں تک ٹاپ آرڈر بیٹنگ کا تعلق ہے تو وہ ناقابل یقین ہیں جبکہ اس بات کو جوروٹ بھی تسلیم کرتے ہیں۔