کامن ویلتھ گیمز میں 1998 کے بعد یہ پہلا موقع ہے کہ جب کرکٹ کو دوبارہ اس گیمز کا حصہ بنایا گیا ہے۔

تفصیلات کے مطابق انگلینڈ کے شہر برمنگھم میں ہونے والے کامن ویلتھ گیمز میں اس مرتبہ خواتین کی کرکٹ کو شامل کیا گیا ہے، یہ ایونٹ ٹی ٹوئنٹی فارمیٹ میں کھیلا جائے گا۔

بین الاقوامی خبروں کے مطابق 8 ممالک کی خواتین کرکٹ ٹیمیں حصہ لیں گی جو 29 جولائی کو شروع ہو گا ، جبکہ فائنل 7 اگست کو کھیلا جائے گا۔

کامن ویلتھ گیمز میں ٹی ٹوئنٹی ایونٹ میں شریک 8 ٹیموں کو دو گروپوں میں تقسیم کیا گیا ہے، اور دونوں گروپس سے اول اور دوسرے نمبر پر آنے والی ٹیمیں فائنل فور یعنی سیمی فائنل کھیلیں گی۔

رولز کے مطابق ایک گروپ کی سرفہرست ٹیم دوسرے گروپ میں دوسرے نمبر پر آنے والی ٹیم سے سیمی فائنل کھیلے گی۔

سیمی فائنل کے ہارنے والے کانسی کے تمغے کے لیے تیسری پوزیشن کے پلے آف میں آمنے سامنے ہوں گے جبکہ سونے اور چاندی کے میڈلز کا تعین فائنل میں ہوگا۔

گروپ اے: آسٹریلیا، بارباڈوس، بھارت، پاکستان

گروپ بی: انگلینڈ، نیوزی لینڈ، جنوبی افریقہ، سری لنکا

کامن ویلتھ گیمز میں کرکٹ کے میچوں کا آغاز 29 جولائی سے ہوگا۔

واضح رہے کہ 1998 میں کوالالمپور میں ہونے والے کامن ویلتھ گیمز میں مردوں کی کرکٹ ٹیموں نے حصہ لیا تھا۔

مردوں کے فائنل میں جنوبی افریقہ اور آسٹریلیا آمنے سامنے تھیں، جس میں جنوبی افریقہ نے آسٹریلیا کو شکست دے کر سونے کا تمغہ حاصل کیا تھا۔مردوں کی طرف سے 16 ٹیموں کے ٹورنامنٹ کے طور پر – کرکٹ اس سے پہلے کھیلوں میں ایک بار شامل ہو چکا ہے۔

کامن ویلتھ گیمز 2026 کی میزبانی آسٹریلیا کی ریاست وکٹوریہ کو دی گئی ہے اور توقع ہے کہ ان گیمز میں خواتین اور مردوں کی کرکٹ کو شامل کیا جائے گا۔