وسیم اکرم نے بابر اعظم کا موازنہ ویرات کوہلی سے کرنا قبل از وقت قرار دے دیا

ویب ڈیسک

24th Aug, 2022. 02:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وسیم اکرم نے بابر اعظم کا موازنہ ویرات کوہلی سے کرنا قبل از وقت قرار دے دیا

سوئنگ کے سلطان وسیم اکرم کا کہنا ہے کہ بابر اعظم کا موازنہ ویرات کوہلی سے کرنا قبل ازوقت ہوگا۔

غیر ملکی خبر رساں ادارے کے مطابق پاکستان کرکٹ ٹیم کے سابق کپتان وسیم اکرم نے غیر ملکی اسپورٹس پروگرام میں شرکت کی جس میں انہوں نے ویرات کوہلی اور بابر اعظم سے متعلق گفتگو کی ہے۔

یہ بھی پڑھیں: ویرات کوہلی نے حمایت کرنے پر بابر اعظم کا شکریہ ادا کردیا

پروگرام میں ان کے ہمراہ بھارتی کرکٹ ٹیم کے سابق کوچ روی شاستری بھی شریک تھے جن سے گفتگو کرتے ہوئے وسیم اکرم نے کہا کہ بابر اعظم کی کارکردگی میں تسلسل ہے کیونکہ ان کی تکنیک درست ہے۔

Advertisement
The Comeback of Shaz and Waz for the greatest rivalry! https://t.co/Wm7e3B02Jd
— Star Sports (@StarSportsIndia) August 23, 2022

انہوں نے کہا کہ بابر اعظم رنز کے بھوکے ہیں اور بالکل فٹ بھی ہیں جب کہ وہ کوہلی بننے کے لیے بھی صحیح ٹریک پر ہیں لیکن ابھی ان کا ویرات کوہلی سے موازنہ کرنا قبل از وقت ہوگا۔

ویرات کوہلی کے حوالے سے بات کرتے ہوئے وسیم اکرم نے کہا کہ ان کے مداح اور میڈیا ویرات کوہلی کے حوالے سے سوشل میڈیا پر غیر مناسب تنقید کررہے ہیں۔

انہوں نے کہا کہ کوہلی صرف اس دور کے نہیں بلکہ ہر دور کے بڑے کھلاڑی ہیں، وہ بالکل فٹ ہیں اور بھارتی اسکواڈ میں اب بہترین فیلڈرز میں سے ایک ہیں۔

یہ بھی پڑھیں: بابر اعظم نے ویرات کوہلی سے ایک اور ریکارڈ چھین لیا

واضح رہے کہ ویرات کوہلی اپنے کیریئر کے سب سے مشکل دور سے گزر رہے ہیں جب کہ انہیں سینچری اسکور کیے دو سال سے بھی زائد کا عرصہ گزر چکا ہے۔