برمنگھم میں ہونے والے کامن ویلتھ گیمز میں میڈلز جیتنے والے قومی کھلاڑیوں کو پاکستان کرکٹ ٹیم کے کھلاڑیوں نے مبارکباد پیش کی ہے۔

انگلینڈ کے شہر برمنگھم میں کامن ویلتھ گیمز 2022 جاری ہیں جس میں پاکستان کے ویٹ لفٹر نوح دستگیر بٹ نے گولڈ میڈل جبکہ جوڈو میں شاہ حسین شاہ نے برانز میڈل حاصل کیا ہے۔

نوح دستگیر بٹ نے کامن ویلتھ گیمز میں پاکستان کے لیے پہلا گولڈ میڈل حاصل کیا ہے جبکہ انہوں نے 109 کلو گرام کیٹیگری میں نیا ریکارڈ بھی بنا ڈالا ہے۔

نوح دستگیر بٹ نے 109 کلو گرام کیٹیگری میں سنیچ کی پہلی کوشش میں 170 کلوگرام وزن اٹھایا، دوسری کوشش میں 173 کلوگرام اور تیسری کوشش میں 174 کلو گرام وزن اٹھا کر پاکستان کے لیے پہلا گولڈ میڈل حاصل کیا ہے۔

دوسری جانب جوڈو میں شاہ حسین شاہ نے جنوبی افریقی بریٹن بیچ کو ہراکر برانز میڈل حاصل کیا ہے جبکہ یہ دوسرا موقع ہے جب شاہ حسین شاہ نے کامن ویلتھ گیمز میں میڈل حاصل کیا ہے۔ اس سے قبل انہوں نے سلور میڈل حاصل کیا تھا۔

اس موقع پر قومی کرکٹ ٹیم کے کھلاڑیوں نے بھی انہیں مبارکباد پیش کی ہیں۔

کپتان بابر اعظم کا مبارکباد پیش کرتے ہوئے کہنا تھا کہ ’ان سپر اسٹارز پر بہت فخر ہے، ہمارے تمام کھلاڑی مناسب اسٹرکچر، سپورٹ اور جدید ترین سہولیت کے مستحق ہیں‘۔

Roar Pakistan! 🔥 👏

Extremely proud of these superstars. All our athletes deserve proper structure, support and state-of-the-art facilities.#PakistanZindabad pic.twitter.com/XLOsusWzfo

— Babar Azam (@babarazam258) August 4, 2022

محمد حفیظ نے کہا کہ ’نوح دستگیر بٹ اور پاکستان کو کامن ویلتھ گیمز میں پہلا گولڈ میڈل جیتنا مبارک ہو‘۔

Congratulations Nooh Dastgir Butt & Pakistan 🇵🇰 to win 1st Gold 🥇 in #CommonwealthGames2022 Proud of u

— Mohammad Hafeez (@MHafeez22) August 3, 2022

فواد عالم نے مبارکباد پیش کرتے ہوئے کہا کہ ’ہمیں آپ لوگوں پر فخر ہے نوح بٹ اور شاہ حسین شاہ، جس لمحے آپ نے تمغہ حاصل کیا تھا تو پس منظر میں پاک سرزمین شاد باد کا ترانہ گونج رہا تھا‘۔

Advertisement

We are proud of you guys Nooh Butt and Shah Hussain Shah 👏🏼 The moment you received the medal with Pak Sar Zameen Shaad Baad echoing in the background literally gave me goosebumps 🇵🇰🤩#PakistanZindabad #CommonwealthGames2022 pic.twitter.com/xq1Q2zmyjr

— Fawad Alam (@iamfawadalam25) August 3, 2022

وہاب ریاض کا کہنا تھا کہ ’نوح بٹ نے اپنے والد سے وعدہ کیا تھا کہ وہ گولڈ میڈل جیت کر واپس آئیں گے اور شاہ حسین نے جوڈو میں کانسی کا تمغہ جیت کر اپنے والد حسین شاہ صاحب کا سر فخر سے بلند کردیا ہے‘۔

Nooh Butt promised his father that he'll return with a gold medal and Shah Hussain Shah made his father Hussain Shah Saab proud with a bronze in Judo. 👏🏼👏🏼👏🏼

Advertisement

This is super amazing, super special, and truly inspiring. 🇵🇰 Zindabad#CommonwealthGames2022 pic.twitter.com/9qeQ35MJfL

— Wahab Riaz (@WahabViki) August 3, 2022

انہوں نے مزید کہا کہ یہ انتہائی حیرت انگیز، سپر اسپیشل اور واقعی متاثر کن تھا، پاکستان زندہ آباد۔

علاوہ ازیں اوپنر امام الحق کا مبارکباد پیش کرتے ہوئے کہنا تھا کہ ’ہمارے دونوں ہیروز نوح دستگیر بٹ اور شاہ حسین شاہ کے لیے زبردست تالیاں، جنہوں نے پاکستان کا سر فخر سے بلند کردیا‘۔

Advertisement

Huge applause for both our heroes Nooh Dastgir Butt 🏅 and Shah Hussnain Shah🥉 who made Pakistan proud.#PakistanZindabad 🇵🇰#Commonwealthgames2022 pic.twitter.com/4Eou94lHPr

— Imam Ul Haq (@ImamUlHaq12) August 4, 2022