ٹی ٹوئنٹی ورلڈ کپ میں قومی ٹیم کی اپ سیٹ شکست پر شائقین کرکٹ سمیت سابق کھلاڑیوں نے حیرانی کا اظہار کیا ہے۔

آسٹریلیا میں ٹی ٹوئنٹی ورلڈ کپ کے سپر 12 مرحلے کے میچز جاری ہیں جس میں آج پاکستان کا مقابلہ گیارہویں نمبر کی ٹیم زمبابوے سے ہوا۔

اس میچ میں قومی کھلاڑیوں نے ناقص کارکردگی کا مظاہرہ کیا جس کی بدولت پاکستان کو اس میچ میں 1 رنز سے شکست کا سامنا کرنا پڑا۔

قومی ٹیم کی اپ سیٹ شکست پر سابق کھلاڑیوں نے شدید ردعمل دیا ہے اور ٹیم انتظامیہ سمیت کھلاڑیوں کو کھری کھری سنادی ہے۔

سوئنگ کے سلطان وسیم اکرم  نے اس میچ کو حیران کن قرار دیا جب کہ سابق فاسٹ بولر شعیب اختر نے اس شکست کو شرمناک قرار دیا ہے۔

https://twitter.com/wasimakramlive/status/1585642579931983874

Thats embarrassing, to be most polite!

— Shoaib Akhtar (@shoaib100mph) October 27, 2022

سابق کپتان محمد حفیظ نے اس میچ پر دل ٹوٹنے والے ایموجی بھیجتے ہوئے خاموش رہنے کو ترجیح دی جب کہ قومی فاسٹ بولر محمد عامر نے شکست کی وجہ ناقص سلیکشن کو قرار دیا۔

Advertisement

💔💔💔 speechless #PAKvsZIM #ICCT20WorldCup2022

— Mohammad Hafeez (@MHafeez22) October 27, 2022

محمد عامر نے لکھا کہ ’اب اس شکست کی ذمہ داری کون لے گا، میرے خیال میں اب وقت آگیا ہے کہ نام نہاد چیئرمین پی سی بی جو کہ خدا بنا ہوا ہے اور نام نہاد چیف سلیکٹر سے جان چھڑائی جائے‘۔

from day one I said poor selection ub is cheez ki responsibility kon le ga I think it's time to get rid of so called chairman jo pcb ka khuda bana hwa hai and so called chief selector.

Advertisement

— Mohammad Amir (@iamamirofficial) October 27, 2022

سابق کپتان بوم بوم آفریدی کا زمبابوے ٹیم کی تعریف کرتے ہوئے کہنا تھا کہ ’کون اس میچ کے نتیجے کو اپ سیٹ قرار دیتا ہے‘۔

Won’t call the result an upset, if you watched the match you know Zimbabwe played top cricket from ball #1 and showed how to defend a low total on a batting pitch. Congratulations @ZimCricketv on the win, your passion and hard work shows #PAKvsZIM

— Shahid Afridi (@SAfridiOfficial) October 27, 2022

انہوں نے کہا کہ ’اگر آپ نے میچ دیکھا ہے تو زمبابوے نے پہلی گیند سے ہی بہترین کرکٹ کھیلی اور دکھایا کہ بیٹنگ پچ پر کم ٹوٹل کا دفاع کیسے کیا جاتا ہے‘۔

انہوں نے زمبابوے کرکٹ کو مبارکباد پیش کرتے ہوئے مزید لکھا کہ ’یہ جیت آپ کے جذبے اور محنت کو ظاہر کرتی ہے‘۔

واضح رہے کہ اس میچ میں زمبابوے نے ٹاس جیت کر پہلے بیٹنگ کرنے کا فیصلہ کیا اور پاکستان کو جیت کے لیے 131 رنز کا ہدف دیا تھا۔

ہدف کے تعاقب میں قومی بلے باز ناکام رہے اور مقررہ اوورز میں 129 رنز ہی بناسکے جب کہ صرف شان مسعود ہی وہ واحد بلے باز تھے جنہوں نے ذمہ دارانہ بیٹنگ کا مظاہرہ کیا۔

خیال رہے کہ زمبابوے نے آئی سی سی ٹی ٹوئنٹی ورلڈکپ میں پاکستانی ٹیم کو پہلی بار کسی بڑے ایونٹ میں سنسنی خیز مقابلے کے بعد ایک رن سے شکست دی ہے جس سے قومی ٹیم کے اگلے مرحلے میں رسائی کے امکانات تقریباً ختم ہوگئے ہیں۔