انگلش کرکٹر معین علی نے ٹیسٹ کرکٹ میں واپسی کے امکانات کو رد کر دیا۔
تفصیلات کے مطابق دورہ پاکستان کے دوران انگلینڈ کرکٹ ٹیم کی کپتانی کرنے والے معین علی کا کہنا ہے کہ میں اپنے فیصلے کو تبدیل نہیں کروں گا اور یہ بات کوچ برینڈن میکلم کو بتا دی ہے۔
انہوں نے کہا کہ میری کوچ سے بات چیت ہوئی ہے، میں نے کہا سوری میں ٹیسٹ کرکٹ ختم کر چکا ہوں ۔کوچ میکلم اس بات کو سمجھتے ہیں کہ ٹیسٹ کرکٹ میں بہت محنت کی ضرورت ہے جبکہ میں 35 برس کا ہو چکا ہوں ۔
معین علی کا کہنا تھا کہ میں اپنی کرکٹ سے لطف اندوز ہونا چاہتا ہوں ، یہ انصاف نہیں ہو گا کہ میں فیصلہ تبدیل کروں ۔ میں ٹیسٹ کرکٹ کا دروازہ بند کر چکا ہوں ۔
انہوں نے مزید کہا کہ انگلینڈ کے لیے 64 ٹیسٹ کھیلنا اعزاز کی بات ہے تاہم میرا انگلینڈ کے لیے ٹیسٹ کھیلنے کا خواب پورا ہو چکا ہے ۔
واضح رہے کہ معین علی نے گزشتہ ستمبر میں ٹیسٹ کرکٹ سے ریٹائر منٹ کا اعلان کیا تھا۔
انگلینڈ کرکٹ ٹیم کی اگلی ٹیسٹ سیریز پاکستان کے خلاف ہے۔ دسمبر میں راولپنڈی ، ملتان اور کراچی میں تین ٹیسٹ میچز کھیلے جائیں گے۔
انگلینڈ کرکٹ ٹیم کے ہیڈ کوچ برینڈن میکلم نے معین علی کو ٹیسٹ کرکٹ کے لیے اہل قرار دیا تھا۔
معین علی نے پاکستان کے خلاف ٹی ٹوئنٹی سیریز میں جوز بٹلر کی غیر موجودگی میں قیادت کی تھی اور سیریز میں 3-4 سے کامیابی حاصل کی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News