قومی ٹیم کے کپتان بابر اعظم پی ایس ایل سیزن 8 کے لیے پشاور زلمی کی ٹیم کا حصہ بن گئے ہیں۔
پاکستان سپر لیگ میں کراچی کنگز کے سابق کپتان بابر اعظم سیزن 8 کے لیے اب پشاور زلمی کی ٹیم کا حصہ بن گئے ہیں۔
یہ بھی پڑھیں: پی ایس ایل 8: بابر اعظم کی کراچی کنگز سے راہیں جدا ہونے کا امکان
اس فیصلے کا اعلان پشاور زلمی کے آفیشل اکاؤنٹ سے بھی کردیا گیا ہے جس میں انہوں نے بابر اعظم کو ٹیم میں شامل ہونے پر خوش آمدید کیا ہے۔
King Bobby 👑⚡@babarazam258 Welcome to the #YellowStorm #BabarYellowStorm #Zalmi #HBLPSL pic.twitter.com/NF85NnQtDv
— Peshawar Zalmi (@PeshawarZalmi) November 11, 2022
وہی دوسری جانب پشاور زلمی کے کھلاڑی شعیب ملک کی کراچی کنگز میں شامل ہونے کی خبریں زیرِ گردش ہیں تاہم اس حوالے سے ابھی کوئی تصدیق نہیں ہوسکی ہے۔
اسپورٹس جرنسلٹ شعیب جٹ نے سماجی رابطے کی سائٹ پر شعیب ملک کی تصویر شیئر کرتے ہوئے لکھا کہ ’ہیرو آرہا ہے‘ جب کہ اس تصویر میں دیکھا جاسکتا ہے کہ شعیب ملک نے کراچی کنگز کی شرٹ زیب تن کی ہوئی ہے۔
Hero is COMING ……….. pic.twitter.com/HXm1Tjo71t
— Shoaib Jatt (@Shoaib_Jatt) November 11, 2022
واضح رہے کہ بابر اعظم کے حوالے سے یہ خبریں تھیں کہ وہ اب کراچی کنگز کی جانب سے کھیلنے میں دلچسپی نہیں رکھتے ہیں۔
یہ بھی پڑھیں: دنیائے کرکٹ کے بڑے نام پی ایس ایل کا حصہ بن گئے
بابر اعظم پی ایس ایل سیزن 2 سے کراچی کنگز کا حصہ تھے جب کہ 2020 میں انہوں نے ایونٹ جیتنے میں اہم کردار ادا کیا تھا۔
یا رہے کہ بابر اعظم نے پی ایس ایل 7 میں کراچی کنگز کی قیادت کی تھی جب کہ ان کی کپتانی میں ٹیم آخری نمبر پر رہی اور دس میں سے صرف 2 ہی میچز جیتنے میں کامیاب رہی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News