ٹی ٹوئنٹی ورلڈ کپ کے فائنل میں انگلینڈ کے خلاف شاہین آفریدی گرنے کی وجہ سے گھٹنے کی انجری کا شکار ہوگئے تھے۔
سماجی رابطے کی سائٹ پر قومی ٹیم کے مایہ ناز فاسٹ بولر شاہین آفریدی کی ایک ویڈیو وائرل ہورہی ہے جس میں انہوں نے ٹی ٹوئنٹی ورلڈ کپ کے فائنل میں زخمی ہونے کی کہانی بتائی ہے۔
What did happen to Shaheen Afridi in the T20 WC Final 💔#ShaheenShahAfridi #PakvEng pic.twitter.com/CjkvUJIVE1
— Muhammad Noman (@nomanedits) December 7, 2022
شاہین آفریدی کی یہ ویڈیو قومی ٹیم کے اعزاز میں دیے گئے عشائیہ کے موقع پر کی ہے جس میں انہوں نے تفصیل سے اپنی انجری اور بعد میں گھٹنے کی تکلیف کے بارے میں بتایا ہے۔
یہ بھی پڑھیں: شاہین آفریدی ٹیم کا حوصلہ بڑھانے پنڈی اسٹیڈیم پہنچ گئے
شاہین آفریدی کہتے ہیں ’جب میں گرا تو لگا جیسے میرا گھٹنا کٹ گیا ہے جب کہ درد بہت زیادہ تھا اور چلا بھی نہیں جارہا تھا‘۔
انہوں نے بتایا کہ ’اس وقت میرے ساتھ حارث رؤف بھی موجود تھے اور وہ بار بار کہہ رہے تھے کہ آجاؤ جس پر میں نے ان سے کہا کہ رک جاؤ مجھے دیکھنے تو دو‘۔
فاسٹ بولر نے کہا کہ ’اس وقت مجھے لگ رہا تھا کہ کچھ اور مسئلہ ہوگیا ہے، جب فزیو آئے تو میں نے انہیں کہا کہ ورلڈ کپ کا فائنل ہے اور ابھی میرے دو اوورز باقی ہیں جس کی وجہ سے میرا جانا ضروری ہے‘۔
شاہین آفریدی بتاتے ہیں ’فزیو نے مجھے کہا کہ آپ نا جائیں ورنہ آپ کی سوجن بڑھ جائے گی، کوئی بڑا مسئلہ نہ ہوجائے۔ میں نے جب اوور کی پہلی گیند کروائی تو کپتان نے مجھے کہا کہ نہیں اب آپ نہ کروائیں اور واپس چلے جائیں‘۔
یہ بھی پڑھیں: اسٹیورٹ براڈ نے شاہین آفریدی کو بہادر قرار دے دیا
انہوں نے مزید کہا کہ ’میری ہمیشہ سے یہی کوشش رہی ہے اور رہے گی بھی کہ جب تک کے جان ہے، اس ٹیم پر قربان ہے‘۔
واضح رہے کہ شاہین آفریدی کو گھٹنے کی تکلیف سے نجات کے لیے ری ہیب تجویز کیا گیا ہے جب کہ نیشنل ہائی پرفارمنس سینٹر میں ان کا ری ہیب بھی جاری ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News