آسٹریلیا اور جنوبی افریقہ کے کھلاڑی باکسنگ ڈے ٹیسٹ میں قومی ترانے کے دوران لیجنڈری لیگ اسپنر  شین وارن کو خراج تحسین پیش کرنے کے لیے فلاپی ٹوپیاں پہنیں گے۔

رواں برس مارچ میں 52 سالہ شین وارن کی المناک موت کے بعد ایم سی جی میں پہلا ٹیسٹ میچ کھیلا جائے گا جس میں کرکٹ آسٹریلیا کی جانب سے شین وارن کو چند مختلف انداز میں خراج تحسین پیش  کیا جائے گا۔

Get your floppy hats and zinc ready for Boxing Day to pay homage to one of our greatest ever ❤️ pic.twitter.com/UzUr840kZt

— Cricket Australia (@CricketAus) December 18, 2022

شین وارن نے اپنے شاندار کیریئر میں ایم سی جی کے باکسنگ ڈے ٹیسٹ کو اپنی پہچان بنالیا۔انہوں نے 1994 میں اس گراؤنڈ میں ایشیز سیریز کے دوران ہیٹ ٹرک کی اور 12 سال بعد اسی گراؤنڈ پر اپنی 700 ویں وکٹ  حاصل کی۔

مزید پڑھیں: شین وارن کی موت کے بعد ان کے اہل خانہ کا دل سوز بیان

کرکٹ آسٹریلیا کا کہنا ہے کہ ان کے ٹیسٹ کیپ کا نمبر  350 میچ کے دوران وکٹ کی اسکوائر سائڈ پر پینٹ کیا جائے گا۔

باکسنگ ڈے پر سہ پہر 3 بج کر 50 منٹ پر شین وارن کا ایک گرافک  اسکرین پر دکھایا جائے گا  جبکہ ان کے  کیریئر سے متعقل مختلف پیکجز  بھی میچ  کے دوران دکھائے جاتے رہیں گے۔

مزید پڑھیں: سچن ٹنڈولکر کاشین وارن کی موت سے قبل ہونے والی بات چیت سے متعلق انکشاف

شائقین  سے باکسنگ ڈے ٹیسٹ میں شرکت کے وقت فلاپی ہیٹ پہننے اور شین وارن کی ٹریڈ مارک زنک کریم  لگاکر میدان آنے کی درخواست کی گئی ہے۔