کراچی ٹیسٹ کے دوسرے روز  کھانے کے وقفے کے بعد پاکستان ٹیم 438 رنز بناکر آل آؤٹ ہوگئی۔

تفصیلات کے  مطابق پاکستان ٹیم   نے دوسرے روز 317 رنز 5 کھلاڑی آؤٹ پر کھیل کا آغاز کیا تو پہلے ہی اوور میں بابر اعظم   اپنے  گزشتہ اسکور  161  رنز میں بغیر کوئی اضافہ کیے کیوی کپتان ٹم ساؤتھی کا شکار ہوگئے۔

بعد ازاں ایک اینڈ سے وکٹیں گرنے کا سلسلہ جاری رہا تاہم سلمان علی آغا نے بہترین بلے بازی کرتے ہوئے ٹیل اینڈرز کے ساتھ ٹیم کا اسکور 438 رنز تک پہنچادیا۔

We make 4️⃣3️⃣8️⃣ in the first innings 🏏

Advertisement

A stunning 1️⃣0️⃣3️⃣ by @SalmanAliAgha1 following heroic knocks by @babarazam258 and @SarfarazA_54 👏#PAKvNZ | #TayyariKiwiHai pic.twitter.com/Qgnm3VH8dj

— Pakistan Cricket (@TheRealPCB) December 27, 2022

سلمان علی آغا پاکستان کے آخری آؤٹ ہونے والے بلے باز تھے۔ انہوں نے ٹیسٹ کرکٹ میں اپنی پہلی سنچری اسکور کرتے ہوئے 103 رنز کی شاندار اننگز کھیلی۔

نعمان علی 7، محمد وسیم جونیئر 2 اور میر  حمزہ ایک رن بناکر آؤٹ ہوئے جبکہ ابرار احمد 6 رنز بناکر  ناٹ آؤٹ رہے۔

گزشتہ روز پاکستان  نے نیوزی لینڈ کے خلاف ٹاس جیت کر  پہلے بیٹنگ کرنے کا فیصلہ کیا تھا۔

پہلے سیشن میں ہی 4 وکٹیں گرنے کے بعد کپتان بابر اعظم نے تقریباً 4 سال بعد ٹیم میں واپس آنے والے سرفراز احمد کے ہمراہ 196 رنز کی شاندار پارٹنر شپ قائم کرکے ٹیم کو مشکل سے نکالا تھا۔سرفراز احمد 86 رنز بناکر آؤٹ ہوئے تھا۔

امام الحق 24، سعود شکیل 22، عبداللہ شفیق 7 اور شان مسعود 3 رنز بناکر آؤٹ ہوئے تھے۔

مزید پڑھیں: کراچی ٹیسٹ: ابتدائی 30 منٹ میں ہی ٹیسٹ کرکٹ کی تاریخ میں نیا ریکارڈ قائم

نیوزی لینڈ کی جانب سے کپتان ٹم ساؤتھی نے 3، اعجاز پٹیل ، اش سودھی اور مائیکل بریسویل نے 2،2 جبکہ نیل ویگنر نے ایک وکٹ  حاصل  کی۔

نیوزی لینڈ ٹیم اپنی پہلی اننگز میں بغیر کسی نقصان کے 130 رنز بناچکی ہے اور دوسرے دن کھیل کے اختتام  میں ابھی 9 اوورز باقی ہیں۔ ڈیوون کونوے 64 اور ٹام لیتھم 61 رنز بناکر کریز پر موجود ہیں۔

واضح رہے کہ انگلینڈ کے خلاف کھیلے گئے آخری ٹیسٹ میچ کی ٹیم میں  تین تبدیلیاں کی گئی  ہیں۔ وکٹ کیپر بلے باز محمد رضوان کی جگہ سرفراز احمد، فہیم اشرف کی جگہ میر حمزہ اور ریٹائر ہونے والے اظہر علی کی جگہ امام الحق کی ٹیم میں واپسی ہوئی ہے۔

پاکستان اسکواڈ: امام الحق، عبداللہ شفیق، شان مسعود، بابر اعظم (کپتان)، سعود شکیل، سرفراز احمد، آغا سلمان، نعمان علی، محمد وسیم، میر حمزہ، ابرار احمد

نیوزی لینڈ ٹیم کین ولیمسن کے ٹیسٹ کپتانی سے دستبردار ہونے کے بعد ٹم ساؤتھی کی کپتانی میں اپنا پہلا ٹیسٹ میچ  کھیل رہی ہے۔

نیوزی لینڈ اسکواڈ: ٹام لیتھم، ڈیوون کونوے، کین ولیمسن، ہینری نکلز، ڈیرل مچل، ٹام بلنڈل، مائیکل بریسویل، ٹم ساؤتھی (کپتان)، اش سودھی، نیل ویگنر، اعجاز پٹیل

دونوں ٹیمیں اپنے آخری چار ٹیسٹ میچز میں شکست خوردہ رہی ہیں۔

مزید پڑھیں:نیوزی لینڈ کرکٹ ٹیم 32 سال بعد کراچی میں ٹیسٹ میچ کھیلے گی

نیوزی لینڈ کرکٹ ٹیم پاکستان کے خلاف 32 سال بعد کراچی میں ٹیسٹ میچ کھیلے گی۔

آخری مرتبہ پاکستان اور نیوزی لینڈ کا کراچی میں ٹیسٹ میچ اکتوبر 1990 میں ہوا تھا جس میں جاوید میانداد کی کپتانی میں پاکستان نے   ایک اننگ اور 43 رنز  سے فتح حاصل کی تھی۔