نیوزی لینڈ کرکٹ ٹیم دورہ پاکستان کے لیے کراچی پہنچ گئی۔
تفصیلات کے مطابق نیوزی لینڈ کی کرکٹ ٹیم غیرملکی ایئرلائن کی پرواز سے آج صبح جناح انٹرنیشنل ایئرپورٹ کراچی پہنچی۔
نیوزی لینڈ ٹیم دورہ پاکستان میں دو ٹیسٹ میچز اور تین ون ڈے میچز کھیلے گی۔
مزید پڑھیں: پاکستان کا نیوزی لینڈ کے خلاف 16 رکنی ٹیسٹ اسکواڈ کا اعلان
پاکستان اور نیوزی لینڈ کے درمیان پہلا ٹیسٹ میچ 26 دسمبر سے کراچی جبکہ دوسرا میچ 3 جنوری سے ملتان میں کھیلا جائے گا۔
دورہ پاکستان میں کیوی ٹیم نئے ٹیسٹ کپتان ٹم ساؤتھی کی قیادت میں کھیلے گی جبکہ ون ڈے ٹیم کی قیادت کین ولیمسن کریں گے۔
تجربہ کار لیگ اسپنر اش سودھی کی چار سال بعد کیوی ٹیسٹ اسکواڈ میں واپسی ہوئی ہے۔بلیئر ٹکنر اور گلین فلپس کو بھی ٹیسٹ اسکواڈ میں شامل کیا گیا ہے۔
مزید پڑھیں: کرکٹ سیریز کی منسوخی: نیوزی لینڈ کی وزیراعظم کا اہم بیان سامنے آگیا
لیفٹ آرم فاسٹ بولر ٹرینٹ بولٹ نے دورہ پاکستان کے لیے عدم دستابی ظاہر کی تھی جس کی وجہ سے انہیں اسکواڈ میں شامل نہیں کیا گیا۔
کیوی اسکواڈ میں ٹم ساؤتھی (کپتان)، مائیکل بریسویل، ٹوم بلنڈیل، ڈیوون کونوے، میٹ ہینری، ٹام لیتھم، ڈیرل مچل،ہینری نکولس، اعجاز پٹیل، گلین فلپس، کین ویلیمسن، اش سودھی، نیل ویگنر اور ول ینگ شامل میں۔
واضح رہے کہ یہ سیریز گزشتہ سال کھیلی جانی تھی تاہم نیوزی لینڈ ٹیم سیکیورٹی وجوہات کا بہانہ بناکر میچ شروع ہونے سے چند گھنٹوں قبل اچانک دورہ منسوخ کرکے وطن واپس لوٹ گئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News