قطر سے واپس اپنے ملک برطانیہ آنے والے فٹ بال شائقین میں خطرناک بیماری کا انکشاف ہوا ہے۔
قطر میں جاری فیفا ورلڈ کپ اختتامی مراحل میں پہنچ چکا ہے جس میں اب صرف 3 میچز ہونا باقی ہیں جب کہ فیفا ورلڈ کپ سے واپس آنے والے فٹ بال شائقین کے لیے بری خبر سامنے آگئی ہے۔
یہ بھی پڑھیں: فیفا ورلڈ کپ 2022 شائقین کی حاضری کا عالمی ریکارڈ
رپورٹس کے مطابق ماہرین نے قطر سے برطانیہ آنے والے فٹ بال شائقین میں ’کیمل فلو‘ کا خدشہ ظاہر کیا ہے جب کہ ماہرین نے انہیں کیمل فلو کی علامات پر نظر رکھنے کا بھی مشورہ دیا ہے۔
ماہرین کے مطابق 2012 میں اس بیماری کی نشاندہی کے بعد سے اب تک ڈھائی ہزار سے زائد مریض ریکارڈ کیے جاچکے ہیں جب کہ اس بیماری کی علامات میں بخار، کھانسی، سانس لینے میں دشواری سمیت قے کرنا شامل ہیں۔
ماہرین کا کہنا ہے کہ قطر میں اونٹ کی سواری سے لطف اندوز ہونے والے فٹ بال شائقین کو اس سے خطرہ ہوسکتا ہے۔
واضح رہے کہ عالمی ادارہ صحت کے مطابق کیمل فلو کورونا وائرس سے ہی تعلق رکھتا ہے لیکن یہ اس سے بھی زیادہ جان لیوا ثابت ہوسکتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News