پی سی بی نے رمیز راجہ کے پی ایس ایل کی کمنٹری سے روکنے کے دعوے کو مسترد کردیا

ویب ڈیسک

03rd Feb, 2023. 05:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی سی بی نے رمیز راجہ کے پی ایس ایل کی کمنٹری سے روکنے کے دعوے کو مسترد کردیا

پاکستان کرکٹ بورڈ (پی سی بی) نے سابق چیئرمین رمیز راجہ کے اس دعوے کو مسترد کر دیا ہے کہ نجم سیٹھی کی قیادت میں پی سی بی چاہتا ہے کہ وہ نئی مینجمنٹ کمیٹی کے خلاف اپنے بیانات پر معافی مانگیں تاکہ انہیں پاکستان سپر لیگ کے کمنٹری پینل میں شامل کیا جاسکے۔

رمیز راجہ کا جمعرات کو مداحوں کے ساتھ سوال و جواب کے سیشن میں کہنا تھا کہ ’’پی سی بی چاہتا ہے کہ میں پہلے ان سے معافی مانگوں اور کمنٹری کے لیے درخواست دوں جس کے بعد وہ اس کا جائزہ لیں گے‘‘۔

یہ بھی پڑھیں: سابق چیئرمین رمیز راجہ کے بول نیوز کو انٹرویو پر پی سی بی کا ردعمل

انہوں نے مداحوں کو مخاطب کرتے ہوئے مزید کہا تھا کہ ’کیا آپ کو لگتا ہے کہ میں ایسا کروں گا؟‘۔

تاہم اب پی سی بی کے نمائندے نے واضح کیا ہے کہ رمیز راجہ کے کمنٹری کرنے پر کوئی پابندی نہیں اور وہ پی ایس ایل سمیت دنیا بھر میں کہیں بھی اپنی کمنٹری شروع کرنے کے لیے آزاد ہیں۔

انہوں نے کہا کہ پی سی بی کی جانب سے ان پر کوئی پابندی نہیں ہے اور نہ ہی پی سی بی نے ان سے کسی بات پر معافی مانگنے کو کہا ہے۔

یہ بھی پڑھیں: نجم سیٹھی کے سیکیورٹی اخراجات پر پی سی بی کا رمیز راجہ کو جواب

انہوں نے مزید کہا کہ پی سی بی کی انتظامی کمیٹی کے چیئرمین نجم سیٹھی بھی اس سے قبل میڈیا کانفرنسز میں اس کی وضاحت کرچکے ہیں۔

واضح رہے کہ پی ایس ایل کا اگلا ایڈیشن 13 فروری سے 19 مارچ کے دوران کراچی، لاہور، ملتان اور راولپنڈی میں کھیلا جائے گا جس کے لیے کمنٹری پینل کا اعلان اگلے ہفتے کیا جائے گا۔