ذکاء اشرف کا قومی ٹیم کیلئے نیک خواہشات کا اظہار

اعجاز وسیم باکھری

08th Jul, 2023. 02:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ذکاء اشرف کا قومی ٹیم کیلئے نیک خواہشات کا اظہار

چیئرمین ذکاء اشرف نے دورہ سری لنکا کے لیے قومی ٹیم کے لیے نیک خواہشات کا اظہار کیا ہے۔

تفصیلات کے مطابق پاکستان ٹیم کی سری لنکا روانگی سے قبل چیئرمین مینجمنٹ کمیٹی ذکاء اشرف نے کپتان بابر اعظم کو ٹیلی فون کیا۔

بابر اعظم سے گفتگو کے دوران ذکاء اشرف نے قومی ٹیم کے لیے نیک خواہشات کا اظہار کیا۔

ذکاء اشرف نے کہا کہ پوری ٹیم کو میری طرف سے نیک خواہشات کا پیغام دیں۔ توقع ہے کہ ٹیم دورہ سری لنکا اور ایشیا کپ میں پاکستان کے لیے کامیابیاں سمیٹے گی ۔

چیئرمین ذکاء اشرف نے ایشیا کپ سے متعلق بھی کپتان بابر اعظم سے گفتگو کی۔

کپتان بابر اعظم نے ذکاء اشرف کو چیئرمین مینجمنٹ کمیٹی کا عہدہ سنبھالنے پر مبارکباد دیتے ہوئے کہا کہ آپ کے پچھلے دور میں بھی پاکستان نے ایشیا کپ جیتا تھا، انشاءاللہ اس بار بھی ایشیا کپ جیت کر پاکستان لائیں گے۔

بابر اعظم نے کہا کہ پاکستان ٹیم کو مزید اوپر لے جانے کے لیے کوئی کسر نہیں چھوڑیں گے۔پاکستان کی خاطر بھرپور توانائی کے ساتھ میدان میں اتریں گے ۔