پاکستان کے سابق لیجنڈری فاسٹ بولر وسیم اکرم نے حارث رؤف کو مشورہ دے دیا۔
پاکستان کرکٹ ٹیم کے سابق کپتان اور فاسٹ بولر وسیم اکرم کا کہنا ہے کہ اگر حارث رؤف کو موجودہ دور کا عظیم کرکٹر بننا ہے تو انہیں ٹیسٹ کرکٹ کھیلنا چاہیے۔
انہوں نے کہا ’’ٹیسٹ کرکٹ کھیلنے یا نہ کھیلنے کا فیصلہ حارث رؤف کا اپنا ہے، وہ کنٹریکٹڈ کھلاڑی ہے، آج کل وائٹ بال کے کئی اسپیشلسٹ کرکٹرز ہیں‘‘۔
یہ بھی پڑھیں: دورہ آسٹریلیا سے انکار کرنے پر حارث رؤف کی مشکلات میں اضافہ
ان کا کہنا تھا ’’ٹیسٹ کرکٹ بڑے کھلاڑیوں کا کھیل ہے جس میں آپ کو 8 اوورز کا اسپیل کروانا ہوتا ہے جب کہ ٹی ٹوئنٹی میں آپ 4 اوورز کروا کر فائن لیگ پر صرف فیلڈنگ کرتے ییں جو کہ صرف ایک کیک کے ٹکڑے جیسا ہے‘‘۔
وسیم اکرم کہتے ہیں ’’ٹیسٹ کرکٹ ایک لمبی ریس جیسا ہے، اگر اپ چاہتے ہیں کہ لوگ کرکٹ کے عظیم کھلاڑی کے طور پر آپ کو یاد کریں تو ٹیسٹ کرکٹ کھیلنی ہوگی‘‘۔
سابق کپتان کا کہنا تھا کہ شان مسعود کے لیے یہ دورہ مشکل ہوگا، پاکستان آخری بار 1995 میں میچ جیتا تھا، نیا کپتان، نئی مینجمنٹ، اس سب کے لیے وقت لگے گا۔
انہوں نے مزید کہا کہ یہ کسی بھی نوجوان کپتان یا ٹیم کے لیے اچھا دورہ نہیں ہوگا، یہ ایک مشکل دورہ ہوگا اور بڑا امتحان ہوگا۔
یہ بھی پڑھیں: حارث رؤف کی بچوں کے ساتھ کرکٹ کھیلنے کی ویڈیو وائرل
خیال رہے کہ پاکستان کرکٹ ٹیم ان دنوں تین ٹیسٹ میچز کی سیریز کے لیے آسٹریلیا میں موجود ہے، جہاں سیریز سے قبل پرائم منسٹر الیون کے خلاف چار روزہ سائیڈ میچ جاری ہے۔
واضح رہے کہ حارث رؤف آسٹریلیا کے خلاف ٹیسٹ سیریز سے دستبردار ہوگئے تھے جس کے بعد انہیں شوکاز بھی جاری کیا گیا تھا تاہم کھلاڑی کی جانب سے جواب جمع کرانے کے بعد پی سی بی نے انضباطی کارروائی نہ کرنے کا فیصلہ کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News