پرتھ: آسٹریلیا کے خلاف ٹیسٹ سیریز کے لیے شاہین آفریدی کو قومی ٹیم کا نائب کپتان مقرر کردیا۔
پاکستان کرکٹ بورڈ نے دورہ آسٹریلیا کے لیے شاہین آفریدی کو قومی ٹیم کا نائب کپتان مقرر کیا ہے جب کہ اس سے قبل انہیں ٹی ٹوئنٹی کرکٹ ٹیم کا کپتان نامزد کیا گیا تھا۔
Shaheen Shah Afridi named vice-captain for Australia Test series
Read more ➡️ https://t.co/9lzDwFhUKP#AUSvPAK
Advertisement— PCB Media (@TheRealPCBMedia) December 13, 2023
مایہ ناز فاسٹ بولر نے پاکستان کی نمائندگی کرتے ہوئے 27 ٹیسٹ، 53 ون ڈے اور 52 ٹی ٹوئنٹی میچز کھیلے ہیں جس میں انہوں نے 273 وکٹیں حاصل کی ہیں۔
یہ بھی پڑھیں: پاکستان کرکٹ ٹیم آسٹریلیا کے سخت چیلنج کے لیے پوری طرح تیار
یاد رہے کہ پاکستان اور آسٹریلیا کے درمیان تین ٹیسٹ میچز پر مشتمل سیریز کا آغاز 14 دسمبر سے پرتھ میں ہونے جارہا ہے۔
پہلا ٹیسٹ 14 سے 18 دسمبر تک پرتھ میں کھیلا جائے گا جب کہ دوسرا ٹیسٹ 26 سے 30 دسمبر میلبرن میں ہوگا، تیسرا و آخری ٹیسٹ 3 سے 7 جنوری 2024 تک سڈنی میں شیڈول ہے۔
دونوں ٹیموں نے ٹیسٹ سیریز کے لیے اسکواڈ کا اعلان بھی کردیا ہے، قومی ٹیم کی قیادت شان مسعود جب کہ آسٹریلوی ٹیم کی قیادت پیٹ کمنز کریں گے۔
پاکستان اسکواڈ:
شان مسعود (کپتان)، امام الحق، عبداللہ شفیق، بابر اعظم، سعود شکیل، سرفراز احمد (وکٹ کیپر)، سلمان علی آغا، فہیم اشرف، شاہین آفریدی (نائب کپتان)، عامر جمال اور خرم شہزاد۔
آسٹریلیا اسکواڈ:
ڈیوڈ وارنر، عثمان خواجہ، مارنس لبوشین، اسٹیو اسمتھ، ٹریوس ہیڈ، مچل مارش، ایلکس کیری، مچل اسٹارک، پیٹ کمنز (کپتان)، نیتھن لیون، جوش ہیزل ووڈ
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News