امارات کرکٹ بورڈ نے تصدیق کی ہے کہ آئی ایل ٹی 20 لیگ کی افتتاحی لیگ 6 جنوری سے 12 فروری 2023 تک منعقد ہوگی۔

تفصیلات کے مطابق نئی لیگ کو ” بین الاقوامی لیگ ٹی 20″ یا “آئی ٹی ایل 20” کہلائے گی۔

وزیرراوداری و بقائے باہمی اور امارات کرکٹ بورڈ کے چیئرمین شیخ نھیان بن مبارک آل نھیان نے کہا ہے کہ امارات کرکٹ بورڈ کو متحدہ عرب امارات کی نئی قائم کردہ ٹی ٹوئنٹی لیگ میں براڈ کاسٹرز اور دیگر تمام شراکت داروں کا خیرمقدم کرتے ہوئے خوشی محسوس ہورہی ہے۔

انکا کہنا ہے کہ متحدہ عرب امارات کی ٹی 20 لیگ کے لئے شراکت دار کے طور پر اس طرح کے نامور، تجربہ کار نام ایک اچھا اشارہ ہے۔

چیئرمین شیخ نھیان نے کہا کہ ان شراکت داروں کے ذریعے امارات کرکٹ بورڈ اعتماد کا مظاہرہ کرتے ہوئے کھیل کو کامیابی کی جانب لے جائے گا۔

انہوں نے کہا کہ ہم اس طویل سفرکا آغازکررہے ہیں تو مجھے یقین ہے کہ ہم مل کر نئی بلندیاں کو چھوئیں گے اور دنیا بھر کے لاکھوں شائقین کو تفریح اورجوش و خروش فراہم کریں گے۔

 انکا مزید کہنا تھا کہ ای سی بی کی جانب سے میں سب کو یہ یقین دلاتا ہوں کہ میدان میں کرکٹ کے ساتھ تفریح میں آپ متحدہ عرب امارات کی روایتی مہمان نوازی سے بھی لطف اندوز ہوں گے۔