راولپنڈی: ٹرائی نیشن سیریز کے دوسرے میچ میں زمبابوے نے سری لنکا کو 67 رنز سے شکست دے دی۔
سری لنکا اور زمبابوے کی ٹیموں کے درمیان ٹرائی نیشن سیریز کا دوسرا میچ راولپنڈی کرکٹ اسٹیڈیم میں کھیلا جارہا ہے جس میں سری لنکا نے ٹاس جیت کر فیلڈنگ کا فیصلہ کیا۔
زمبابوے نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 162 رنز اسکور کیے جس کے تعاقب میں سری لنکا کی ٹیم 95 رنز پر ڈھیر ہوگئی۔
کپتان داسن شناکا نے سب سے زیادہ 34 رنز بنائے جب کہ زمبابوے کی جانب سے بریڈایونز نے 3 اور رچرڈ نگاراوانے 2 شکار کیے۔
اس سے قبل پہلی اننگز میں زمبابوے کے برائن بینیٹ نے 49 رنز بنائے، کپتان سکندر رضا 47، ریان برل 18، برینڈن ٹیلر 11، ٹاشنگا موزیکیوا 11 اور تادیوانس مارامانی 10 رنز بناکر آؤٹ ہوئے تھے۔
سری لنکا کی جانب وینندو ہسارنگا نے 3 کھلاڑیوں کو آؤٹ کیا، ایشان ملنگا کے حصے میں دو وکٹیں آئیں جب کہ دشمنتھا چمیرا اور مہیش تھیکشنا نے 1،1 وکٹ حاصل کی۔