چیمپئنز لیگ میں پی ایس وی کے ہاتھوں بدترین شکست کے بعد لیورپول کے منیجر آرنے سلاٹ نے کہا ہے کہ ٹیم کی خراب فارم کے باوجود وہ ہار نہیں مانیں گے۔
گزشتہ روز کھیلے گئے میچ میں لیور پول کو مسلسل نویں بار شکست کا سامنا کرنا پڑا ہے، جہاں لیور پول کو 1-4 سے شکست کا سامنا کرنا پڑا ہے، جس کے بعد پریمیئر لیگ میں ٹیم 12ویں نمبر پر پہنچ گئی ہے۔
مزید پڑھیں: لیور پول اہم میچ میں محمد صلاح اور ورجل کی خدمات سے محروم
اس کے باجود ٹیم کا مورال بلند ہے، اور ٹیم جیت کے لیے پرعزم ہے، آرنے سلاٹ نے اس حوالے سےکہا کہ مالکان کے ساتھ ان کی بات چیت بدستور معمول کے مطابق ہے، ٹیم بہتر کھیل سکتی ہے۔
سلاٹ، جنہوں نے گزشتہ سیزن میں اپنے پہلے ہی سال میں لیورپول کو پریمیئر لیگ کا ٹائٹل دلایا تھا، نے شکست کے بعد کہا کہ انہیں اپنی نوکری کے حوالے سے فکر نہیں۔
میچ سے قبل پریس کانفرنس میں جب ان سے پوچھا گیا کہ کیا انہوں نے پی ایس وی کے میچ کے بعد مالکان سے بات کی ہے، تو انہوں نے جواب دیا: “ہماری بات چیت وہی ہے جو یہاں آنے کے بعد سے ہوتی رہی ہے۔ ہم لڑتے رہتے ہیں اور بہتری کی کوشش کرتے ہیں۔ گفتگو میں کوئی تبدیلی نہیں آئی۔”
مزید پڑھیں: نومولود بیٹے کی وفات، کرسچیانو رونالڈو لیور پول کے خلاف میچ سے دستبردار
سلاٹ نے تسلیم کیا کہ ٹیم کے معیار میں کمی آئی ہے مگر کہا کہ وہ کھلاڑیوں سے مایوس نہیں۔
انھوں نے کہا کہ ہم سمجھتے ہیں کہ ہم اس سے بہتر کھیل سکتے ہیں۔ پچھلے سیزن میں جب ہم نے بہت اچھا کھیلا تو توجہ مخصوص کھلاڑیوں پر رہی، جبکہ میں ہمیشہ کہتا تھا کہ اصل کریڈٹ ٹیم کو جاتا ہے۔
سلاٹ کا کہنا تھا کہ اگر اب صورتحال اس کے برعکس ہے تو ہمیں بھی انفرادی کھلاڑیوں کے بجائے ٹیم کو دیکھنا چاہیے۔