پاکستان کرکٹ کے ابھرتے ہوئے ستاروں کو سامنے لانے کے لیے نیشنل انڈر 15 کپ 2025–26 کا آغاز 4 فروری سے چار مختلف شہروں میں کیا جا رہا ہے۔
ٹورنامنٹ میں ملک کے 16 ریجنز کی 18 ٹیمیں حصہ لے رہی ہیں، جبکہ مجموعی طور پر 270 انڈر 15 کھلاڑی اپنی صلاحیتوں کا مظاہرہ کریں گے۔ ایونٹ کے دوران 49 میچز کھیلے جائیں گے۔
18 ٹیموں کو تین گروپس میں تقسیم کیا گیا ہے۔
گروپ اے کے میچز سیالکوٹ کے تین گراؤنڈز پر ہوں گے۔
گروپ بی کے مقابلے پشاور اور چارسدہ میں کھیلے جائیں گے۔
گروپ سی کے میچز فیصل آباد کے تین گراؤنڈز پر شیڈول کیے گئے ہیں۔
ٹورنامنٹ کی فاتح ٹیم کو 10 لاکھ روپے جبکہ رنرز اپ کو 5 لاکھ روپے کیش انعام دیا جائے گا۔
شائقینِ کرکٹ کے لیے خوشخبری یہ ہے کہ سی ایس ایس گراؤنڈ سیالکوٹ، شمع گراؤنڈ پشاور اور سعید اجمل اکیڈمی پشاور میں کھیلے جانے والے میچز ٹیپ میڈ پر لائیو اسٹریم کیے جائیں گے۔
