دانیال چشتی کو نومبر 2026 میں ریاض میں ہونے والے ای اسپورٹس نیشن کپ کے لیے پاکستان کا آفیشل ٹیم مینیجر مقرر کیا گیا ہے۔

اس ذمہ داری کے تحت دانیال چشتی مختلف گیمز میں قومی سطح پر ٹیلنٹ اور کوچز کے انتخاب کے انچارج ہوں گے، یہ ای اسپورٹس اولمپکس جیسا ایک بڑا ایونٹ ہے۔

اس موقع پر دانیال چشتی کا کہنا ہے کہ پاکستان میں بے شمار نوجوان گیمنگ ٹیلنٹ موجود ہے جن میں سے بہت سے ابھی تک سامنے نہیں آئے۔

ان کا کہنا تھا کہ نوجوانوں میں چھپی حقیقی صلاحیتوں کو اُجاگر کرنے کی ضرورت ہے۔

انہوں نے مزید کہا کہ اس ٹیلنٹ کو دنیا کے سامنے لانے کے لیے یہ ایک نہایت اہم موقع ہے اور ہمارے پاس ای اسپورٹس کو ایک بڑی اور مضبوط انڈسٹری بنانے کا سنہری موقع بھی ہے۔