اسلام آباد: اے ایف سی ایشین کپ کوالیفائر میں بدترین کارکردگی کے بعد پاکستانی کھلاڑی اپنے خلاف ہی گول کرنے لگے۔
اے ایف سی ایشین کپ کوالیفائر کے گروپ ای کا میچ پاکستان اور میانمار کی ٹیموں کے درمیان جناح اسٹیڈیم اسلام آباد میں کھیلا گیا جس میں پاکستان کو شکست کا سامنا کرنا پڑا۔
اس مچ میں پاکستان کی جانب سے صرف ایک گول کیا گیا جب کہ مخالف ٹیم نے 2 گول اسکور کرکے کامیابی اپنے نام کی۔
میچ میں ایک انوکھا واقع بھی دیکھنے کو ملا جب پاکستانی کھلاڑی نے اپنے خلاف ہی گول اسکور کردیا جس کی ویڈیو سوشل میڈیا پر بھی وائرل ہوگئی۔
اپنے ہی خلاف گول کر دیا 🤦🏻♂️
اور بعد میں نالائق گول کیپر کی ایکٹنگ چیک کریںpic.twitter.com/lPbWHRUJRo— Ans (@PakForeverIA) March 31, 2026
وائرل ویڈیو میں دیکھا جاسکتا ہے پاکستانی کھلاڑی نے واپس فٹبال کو گول گیپر کی جانب پاس کیا تو وہ فٹبال کو ہٹ کرنے میں ناکام رہے اور فٹبال سیدھا گول پوسٹ میں چلے گئی جس سے مخالف ٹیم کو ایک گول مل گیا۔
سماجی رابطے کی سائٹ ایکس پر ویڈیو شیئر کرتے ہوئے صارف نے لکھا ’’اپنے خلاف ہی گول کردیا اور بعد میں نالائق گول کیپر کی ایکٹنگ چیک کریں‘‘۔
خیال رہے کہ پاکستان نے اے ایف سی ایشین کپ کوالیفائر میں بدترین کارکردگی کا مظاہرہ کیا ہے۔ گروپ کے 6 میچز میں سے قومی ٹیم کو 4 میں شکست کا سامنا کرنا پڑا ہے جب کہ دو میچز بے نتیجہ رہے۔
پاکستان فٹبال ٹیم 2 پوائنٹس کے ساتھ گروپ ای میں سب سے آخری نمبر پر موجود ہے جب کہ گروپ سے شام اور میانمار کا اگلے مرحلے کے لیے کوالیفائی کرنے کا واضح امکان نظر آرہا ہے۔
