لاہور: پی ایس ایل 11 کے 8 ویں میچ میں ملتان سلطانز نے حیدر آباد کنگز مین کو 6 وکٹوں سے شکست دے دی۔
پی ایس ایل گیارہ کا 8 واں میچ حیدر آباد کنگز مین اور ملتان سلطانز کی ٹیموں کے درمیان لاہور کے قذافی اسٹیڈیم میں کھیلا گیا جس میں حیدر آباد نے ٹاس جیت کر بیٹنگ کا فیصلہ کیا۔
حیدر آباد کنگز مین نے پہلے کھیلتے ہوئے رنز کا پہاڑ کھڑا کردیا اور ملتان کو جیت کے لیے 226 رنز کا ہدف دیا لیکن صاحبزدہ فرحان کی 106 رنز کی جارحانہ اننگز نے میچ کو یکطرفہ بنادیا۔
2nd HBL PSL Century, 9th in T20s
Fourth on the all-time T20 centurions list
Sahibzada Farhan delivers a standout knock #HBLPSL11 | #NewEra | #MSvHK pic.twitter.com/XYh2nRvlu2
— PakistanSuperLeague (@thePSLt20) April 1, 2026
ملتان سلطانز نے باآسانی 19 ویں اوور میں 4 وکٹوں کے نقصان پر ہدف حاصل کرلیا جب کہ اسٹیون اسمتھ 46، شان مسعود 29 اور عرفات منہاس نے 26 رنز بنائے۔
! #HBLPSL11 | #NewEra | #MSvHK pic.twitter.com/OLYSShDF0f
— PakistanSuperLeague (@thePSLt20) April 1, 2026
حیدر آباد کے صائم ایوب دو وکٹیں لینے میں کامیاب رہے جب کہ مہیش تھیکشنا اور حسن علی نے ایک ایک وکٹ حاصل کی۔
اس سے قبل پہلی اننگز میں حیدر آباد کنگز مین کی جانب سے معاز صداقت نے 62 رنز کی نمایاں اننگز کھیلی جب کہ صائم ایوب 27، عثمان خان 25 اور سید سعد علی 23 رنز بناکر آؤٹ ہوئے، عرفان خان 22 اور شرجیل خان نصف سنچری کی ساتھ ناٹ آؤٹ رہے۔
Hyderabad Kingsmen post the highest total of #HBLPSL11.#NewEra | #MSvHK pic.twitter.com/XeiGcvwROM
— PakistanSuperLeague (@thePSLt20) April 1, 2026
ملتان سلطانز کی جانب سے محمد وسیم نے 2 وکٹیں حاصل کی جب کہ محمد نواز، ایشٹن ٹرنر اور پیٹر سڈل ایک ایک وکٹ لینے میں کامیاب رہے۔
واضح رہے کہ حیدر آباد کنگز مین نے اب تک ایونٹ میں تین میچز کھیلے ہیں جس میں انہیں شکست کا سامنا کرنا پڑا ہے۔
