پاکستان کرکٹ بورڈ نے سری لنکا کے خلاف تین ٹی20 انٹرنیشنل میچز پر مشتمل سیریز کے لیے 15 رکنی قومی اسکواڈ کا اعلان کر دیا ہے۔
پاکستانی ٹیم 4 اور 5 جنوری 2026 کو مرحلہ وار سری لنکا روانہ ہوگی، جبکہ سیریز کے تمام میچز دمبولا میں کھیلے جائیں گے۔
سلمان علی آغا کو سری لنکا کے خلاف ٹی20 سیریز میں پاکستان ٹیم کی قیادت سونپی گئی ہے۔
وکٹ کیپر بلے باز خواجہ محمد نافع کو پہلی بار ٹی20 اسکواڈ میں شامل کیا گیا ہے، جبکہ شاداب خان کندھے کی سرجری کے بعد ٹی20 ٹیم میں واپسی کر رہے ہیں۔
پاکستان اور سری لنکا کے درمیان تینوں ٹی20 انٹرنیشنل میچز 7، 9 اور 11 جنوری کو کھیلے جائیں گے۔
یہ سیریز آئندہ ٹی20 ورلڈ کپ کے لیے اسکواڈ کے انتخاب میں اہم ثابت ہوگی۔
اسکواڈ میں سلمان علی آغا، عبدالصمد، ابرار احمد، فہیم اشرف، فخر زمان، محمد نواز، نسیم شاہ، وسیم جونیئر، صاحبزادہ فرحان، صائم ایوب، عثمان خان، عثمان طارق اور سلمان مرزا بھی شامل ہیں۔
