پاکستان سپر لیگ (پی ایس ایل) سیزن 11 کے پلیئرز آکشن سے قبل مقامی کھلاڑیوں کی نئی ممکنہ کیٹیگریز منظرِ عام پر آ گئی ہیں۔

اطلاعات کے مطابق نئی کیٹیگریز میں کئی نمایاں کھلاڑیوں کی کیٹیگریز میں رد و بدل کیا گیا ہے۔

دستیاب معلومات کے مطابق شاداب خان، عماد وسیم اور نسیم شاہ بدستور پلاٹینم کیٹیگری میں برقرار رکھے گئے ہیں، جبکہ صاحبزادہ فرحان کو گولڈ اور سلمان علی آغا، محمد نواز کو پلاٹینم کیٹیگری میں شامل کیا گیا ہے۔

اعظم خان کو ڈائمنڈ سے گولڈ کیٹیگری میں منتقل کر دیا گیا ہے، حسن علی کو ڈائمنڈ سے پلاٹینم جبکہ عباس آفریدی کو پلاٹینم سے ڈائمنڈ کیٹیگری میں شامل کیا گیا ہے۔

خوشدل شاہ اور عامر جمال ڈائمنڈ سے گولڈ، جبکہ عرفات منہاس گولڈ سے سلور کیٹیگری میں آ گئے ہیں۔ شان مسعود بدستور ڈائمنڈ کیٹیگری میں برقرار ہیں۔

مزید پڑھیں: پی ایس ایل سے قبل ملتان سلطانز کی نیلامی، پی سی بی نے اشتہار جاری کر دیا

شاہین شاہ آفریدی، فخر زمان اور حارث رؤف پلاٹینم کیٹیگری میں برقرار رکھے گئے ہیں، بابر اعظم اور صائم ایوب بھی پلاٹینم کیٹیگری میں برقرار ہیں۔

سلمان مرزا کو گولڈ سے ڈائمنڈ، محمد نعیم کو ایمرجنگ سے سلور کیٹیگری میں شامل کیا گیا ہے۔

محمد حارث اور محمد علی کو ڈائمنڈ سے گولڈ میں منتقل کیا گیا ہے، جبکہ محمد رضوان بدستور پلاٹینم میں شامل ہیں۔

اسامہ میر اور افتخار احمد کو ڈائمنڈ کیٹیگری دی گئی ہے۔ محمد حسنین ڈائمنڈ سے گولڈ جبکہ عاکف جاوید سلور سے گولڈ میں آ گئے ہیں۔

فہیم اشرف اور محمد عامر پلاٹینم کیٹیگری میں برقرار ہیں، ابرار احمد کو ڈائمنڈ سے پلاٹینم میں شامل کیا گیا ہے۔

وسیم جونیئر گولڈ سے ڈائمنڈ جبکہ عثمان طارق سلور سے ڈائمنڈ کیٹیگری میں شامل ہو گئے ہیں۔

خواجہ نافع سلور جبکہ حسن نواز ایمرجنگ سے گولڈ کیٹیگری میں شامل کیے گئے ہیں۔

ذرائع کے مطابق ان کیٹیگریز کو حتمی شکل پلیئرز آکشن سے قبل دی جائے گی، جس کے بعد فرنچائزز اپنی حکمتِ عملی ترتیب دیں گی۔