مارک زکربرگ کا کرپٹوکرنسی کا خواب آفیشلی طور پر ختم ہو گیا۔
میٹا کی کرپٹوکرنسی ڈیئم نے پیر کو بتایا کہ اس نے اپنے تمام اثاثے سِلور گیٹ کیپیٹل کو بیچ دیے ہیں۔
میٹا نے ایسا فیڈرل ریزرو اور دیگر ریگولیٹرز کی جانب سے پروجیک کی مخالفت کیے جانے پر کیا۔
سِلور گیٹ کیلیفورنیا میں کرپٹو کا بینک ہے۔
وال اسٹریٹ جرنل اور بلومبرگ کے مطابق فروخت کی مالیت 20 کروڑ ڈالرز تھی۔
میٹا کے پاس مبینہ طور پر ڈیئم کا ایک تہائی کنٹرول تھا۔ 2019 میں لبرا کے نام سے لانچ کی جانے والی اس کرنسی کے پشت پر اُوبر، شاپیفائی اور وینچر کیپیٹل فرمز بشمول انڈریسن ہورووٹز اور یونین اسکوائر وینچرز شامل تھے۔
گروپ کا منصوبہ تھا کہ ایک ایسا مستحکم سکہ جاری کیا جائے یعنی ایسی کرپٹو کرنسی جس کو امریکی ڈالر سے جوڑ دیا جاتا۔
اسٹیبل کوائن ایسی کرپٹو کرنسی ہوتی ہے جس کو حقیقی دنیا کے اثاثوں کی پشت حاصل ہوتی ہے۔
اسٹیبل کوائن کے حامیوں کا کہنا تھا کہ یہ قیمتوں کے اتار چڑھاؤ کے بغیر کرپٹو کرنسی کی برق رفتار ٹرانزکشنز سے فنانس میں انقلاب برپا کرسکتے ہیں۔
لیکن نگراں اداروں اور سیاست دانوں نے اسکینڈل زدہ کمپنی میٹا کے کرپٹو کرنسی کی پشت پر ہونے کی مخالفت کی۔
ڈیئم کے تابوت میں آخری کِیل فیڈرل ریزرو کی جانب سے ٹھونکی گئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News