واٹس ایپ صارفین جس فیچر کا بے صبری سے انتظار کررہے تھے اب وہ استعمال کرسکیں گے اب تک کا زبردست فیچر

ویب ڈیسک

16th Nov, 2022. 02:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

واٹس ایپ صارفین جس فیچر کا بے صبری سے انتظار کررہے تھے اب وہ استعمال کرسکیں گے اب تک کا زبردست فیچر

واٹس ایپ دنیا بھر میں سب سے زیادہ استعمال ہونے والی سماجی رابطے کی ایپلی کیشن ہے اور یہی وجہ ہے کہ واٹس ایپ تیزی سے ترقی کرتے ہوئے اپنے صارفین کو بہتر سہولیات فراہم کرنے کے لیے آئے دن نئے فیچر متعارف کرواتا رہتا ہے۔

پہلے آپ واٹس ایپ کے اکاؤنٹ کو متعدد ڈیوائسز میں استعمال نہیں کرسکتے تھے مگر اب صارفین کا یہ مسئلہ ختم ہوگیا ہے۔

جی ہاں، واٹس ایپ کی جانب سے ایک فیچر کمپینن موڈ کو متعارف کرایا گیا ہے، یہ فیچر فی الحال واٹس ایپ کے اینڈرائیڈ بیٹا ورژن کے کچھ صارفین کو دستیاب ہے جس سے وہ اپنے واٹس ایپ اکاؤنٹ کو بیک وقت 4 ڈیوائسز میں استعمال کرسکتے ہیں۔

صارف جب جب کسی نئے فون پر واٹس ایپ انسٹال کرے گا تو تھری ڈاٹ مینیو پر کلک کرنے پر اسے لنک اے ڈیوائس کا آپشن نظر آئے گا، اس آپشن پر کلک کرنے کے بعد کیو آر کوڈ سے واٹس ایپ اکاؤنٹ کو ڈیوائس سے لنک کرنا ممکن ہوگا۔

واضح رہے کہ اس فیچر پر کمپنی کی جانب سے کافی عرصے سے کام جاری تھا۔

اس ملٹی پل ڈیوائسز فیچر سے جس ڈیوائس پر بھی واٹس ایپ کو اوپن کیا جائے گا، میسجز اور فائلز کو دیکھنا ممکن ہوگا۔

خیال رہے کہ یہ فیچر بہت جلد تمام صارفین کے لیے متعارف کرا دیا جائے گا۔