آج کل تقریباْ ہر شخص کے ہاتھ میں اسمارٹ فون ہے، کیونکہ یہ ناصرف رابطے کا آسان اور بہترین ذریعہ ہے بلکہ روزمرہ کے معمولات کی انجام دہی میں بھی اہم ہے۔
جب یہ فون خراب یا اچانک کام کرنا بند کردیں تو کئی کام متاثر ہوتے ہیں ، یہی وجہ ہے کہ آج ہم اپنی اس اسٹوری میں اسمارٹ فون کو سست بنانے والی عام وجوہات کے بارے میں بتا رہے ہیں۔
اسمارٹ فون کی اسپیڈ متاثر کرنے والی عام وجوہات ؟
اسٹوریج اسپیس کم ہونا
بہت زیادہ تصاویر، ویڈیوز، گیمز اور دیگر مواد کو ڈاؤن لوڈ کرنے سے فون اسٹوریج تیزی سے بھرجاتی ہے جبکہ اس کے کمپیوٹر پراسیس یونٹ (سی پی یو) پر دباؤ بڑھتا ہے، جس سے فون کی رفتار سست ہوجاتی ہے۔
خراب وائی فائی کنکشن
اگر آپ کا فون معمول سے زیادہ سست ہوچکا ہے تو ہوسکتا ہے کہ یہ وائی فائی کنکشن کا نتیجہ ہو۔
اس کا تعین کرنے کے لیے وائی فائی نیٹ ورک کے سگنلز کی مضبوطی کو چیک کریں۔
یہ بھی پڑھیں: وہ بڑی غلطیاں جو اسمارٹ فونز کو برباد کر سکتی ہیں
خراب وائی فائی کنکشن سے فون کی اسپیڈ متاثر ہوتی ہے کیونکہ پس منظر میں ایپس اور ویب پیجز کی جانب سے بار بار ریفریش ہونے کی کوشش کی جاتی ہے۔
فون کا پرانا آپریٹنگ سسٹم
اینڈرائیڈ فونز میں یہ کافی عام مسئلہ ہے کیونکہ ان میں آپریٹنگ سسٹم کو اپ ڈیٹ کرنے کی سہولت بہت کم عرصے کے لیے درکار ہوتی ہے۔
یہی وجہ ہے کہ مخصوص عرصے کے بعد اینڈرائیڈ فونز کی اسپیڈ گھٹنے لگتی ہے کیونکہ وہ اپ گریڈ نہیں ہوتے۔
فون cache یا ریم کا بھرجانا
آپ جتنا زیادہ ڈیوائس کو استعمال کریں گے، اتنا زیادہ ڈیٹا فون کے cache اور ریم میں اکٹھا ہوگا۔
ایپس اور ویب براؤزنگ سے اکٹھا ہونے والا یہ ڈیٹا بتدریج پراسیسر کو زیادہ کام کرنے پر مجبور کرنے لگتا ہے جس کے نتیجے میں فون سست ہوجاتا ہے۔
بہت زیادہ ایپس
اکثر افراد متعدد ایپس انسٹال کرلیتے ہیں جن میں سے بیشتر کو وہ طویل عرصے تک استعمال بھی نہیں کرتے۔
یہ ایپس اسٹوریج اسپیس پر قبضہ کرنے کے ساتھ ساتھ فون کی اسپیڈ کو بھی متاثر کرتی ہیں۔
ان کو اگر ٹھیک طرح ڈیلیٹ نہ کیا جائے تو اس صورت میں بھی ان ایپس کا کچھ ڈیٹا ڈیوائس میں باقی رہ جاتا ہے۔
پرانی بیٹری
کچھ اسمارٹ فونز میں پرانی بیٹری سے ڈیوائس کی اسپیڈ متاثر ہوتی ہے۔
پرانی بیٹری کے نتیجے میں آپریٹنگ سسٹم پر منفی اثرات مرتب ہوتے ہیں جس سے ڈیوائس کی پرفارمنس اور پراسیسنگ اسپیڈ متاثر ہوتی ہے۔
بیٹری کی زندگی کو بہتر بنانے والی ٹپس پر عمل کرکے اس مسئلے کو کم کرنے میں مدد مل سکتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News