ٹیکنالوجی کمپنی میٹا نے فیس بک گروپس کے لیے ایک نیا پرائیویسی فیچر متعارف کرایا ہے، جس کے ذریعے صارفین اپنی اصل شناخت ظاہر کیے بغیر نک نیم اور اوتار کے ساتھ پوسٹس شیئر کر سکیں گے۔
میٹا کے مطابق یہ فیچر گروپ کے ایڈمن کی منظوری سے فعال ہو گا جبکہ بعض گروپس میں انفرادی صارفین کو بھی اجازت درکار ہو سکتی ہے۔
فیچر آن ہونے کے بعد گروپ کے ارکان اپنی پوسٹس کے لیے کسی بھی منتخب کردہ نک نیم کا استعمال کر سکیں گے اور ضرورت پڑنے پر اصل نام اور نک نیم کے درمیان آسانی سے سوئچ بھی کیا جا سکے گا۔
کمپنی نے واضح کیا کہ منتخب کردہ نک نیم کو میٹا کے کمیونٹی اسٹینڈرڈز اور ٹرمز آف سروس کے مطابق ہونا ضروری ہے تاکہ غلط استعمال سے بچا جا سکے۔
نئے نظام میں صارفین کو نک نیم کے ساتھ ایک اوتار منتخب کرنے کا بھی اختیار دیا گیا ہے، جن میں زیادہ تر عینک پہنے ہوئے جانوروں کی دلچسپ تصاویر شامل ہیں، جو صارف کی گمنامی کو برقرار رکھنے کے ساتھ ساتھ ان کی پوسٹ کو منفرد انداز بھی فراہم کرتی ہیں۔
مزید پڑھیں: پاکستان میں فیس بک تک رسائی مشکل کیوں؟ وجہ سامنے آگئی