دنیاکا پہلا نجی سیٹلائٹ خلا میں لانچ کردیا گیاجس کے ذریعے خلا کی گہرائیوں اور کائینات کے چھپے رازوں کا مطالعہ کیا جائے گا۔
لندن کی مقامی کمپنی نے اپنا پہلا نجی اسپیس سائنس سیٹلائٹ خلا میں بھیج دیا۔ بلیو اسکائیز اسپیس کا اس حوالے سے کہناہے کہ سیٹلائٹ کو کیلیفورنیا سے جمعہ کواسپیس ایکس فیلکن 9 سے روانہ کیاگیا۔
بلیواسکائیز اسپیس ماؤو کے مشاہدات ، نتائج اور ڈیٹا کو ماہرین فلکیات اور تحقیقی اداروں کے ساتھ شیئر کیا جائے گا۔ تاکہ اس پر مزید مطالعہ ممکن ہوسکے۔
کمپنی کے مطابق مائیکرو ویو کے برابر سیٹلائٹ ماؤو میں ایک مائیکرو اسکوپ نصب ہے۔جو خلا کی گہرائیوں میں ایگزو پلینٹ اور دیگر اجرامِ فلکی کا مشاہدہ کرے گی۔
ماؤو فلکیاتی سرگرمیوں کے حوالے سے معلومات کا نیا باب کھولے گا جو ماضی میں بند تھا۔ کائینات کے چھپے رازوں کے مطالعے کے حوالے یہ ایک نئی پیش رفت ہے۔
ماہرین فلکیات اور تحقیقی اداروں نے نجی سٹیلائٹ کے خلا میں پہنچنے کے بعد نگرانی کا عمل شروع کردیاہے ۔
