امریکی کمپنی اسٹارٹ اپ “آپریشن بلیو برڈ” نے اعلان کیاہے کہ وہ ایک نیا سوشل نیٹ ورک شروع کرنے جا رہی ہے۔
یہ نیٹ ورک ایلون مسک کے ٹوئٹر خریدنے سے قبل اس کے اصل پلیٹ فارم کی فعالیت اور برانڈنگ کو بحال کرے گا۔
اس مقصد کے لیے کمپنی نے یو ایس پیٹنٹ اینڈ ٹریڈ مارک آفس (یو ایس پی ٹی او) میں پٹیشن دائر کی ہے۔ اس کا مقصدیہ ہے کہ ٹوئٹر کے ترک شدہ ٹریڈ مارک کا اختیار حاصل کیا جا سکے۔
یاد رہے کہ جولائی 2023 میں ایلون مسک نے ٹوئٹر کو خرید کر اس کا نام تبدیل کر کے “ایکس” رکھ دیا تھا۔
یہ تبدیلی نو ماہ بعد کی گئی، جب مسک نے 44 ارب ڈالر میں سوشل میڈیا پلیٹ فارم کو خریدا تھا۔
اس کے بعد ٹوئٹر ڈاٹ کام ویب سائٹ کا ڈومین بھی “ایکس ڈاٹ کام” پر ری ڈائریکٹ ہو گیا۔ کمپنی نے اپنے پرانے برانڈ کے تمام نشان اور ریفرینسز کو ہٹا دیا۔
نئے سوشل میڈیا نیٹ ورک کا مقصد
مزید برآں، “ایکس” نے اپنے لوگو پر بنی چڑیا سے جڑی اصطلاحات کو بھی تبدیل کر دیا ہے۔
مثال کے طور پر، “برڈ واچ” نامی فیکٹ چیکنگ پروگرام کا نام تبدیل کر کے “کمیونٹی نوٹس” رکھ دیا گیا ہے۔
اب “آپریشن بلیو برڈ” اس سوشل میڈیا پلیٹ فارم کے اصل نام اور اس کے نشان کو دوبارہ زندہ کرنے کی کوشش کر رہا ہے ۔
اس کا مقصد سوشل میڈیا کی دنیا میں اس پلیٹ فارم کے اصل ورژن کی فعالیت اور شناخت کو دوبارہ بحال کر سکے۔
