کیلیفورنیا: ایلون مسک کی کمپنی اسپیس ایکس نے خبردار کیا ہے کہ مدار میں موجود اسٹار لنک سیٹلائٹ میں تکنیکی خرابی کے باعث یہ کنٹرول سے باہر ہو گیا ہے اور اس کے زمین پر گرنے کا خدشہ ہے۔
کمپنی اسپیس ایکس کے مطابق سیٹلائٹ ٹکڑوں میں ٹوٹ گیا ہے اور یہ ٹوٹے ہوئے ٹکڑے خلا میں تیر رہے ہیں۔
کہا جا رہا ہے کہ سیٹلائٹ کے ٹوٹے ہوئے ٹکڑے آنے والے ہفتوں میں مدار سے زمین پر گر سکتے ہیں۔
اسپیس ایکس نے صارفین اور متعلقہ حکام کو محتاط رہنے کی ہدایت کی ہے۔ تاہم ابھی تک کسی نقصان یا خطرے کی تصدیق نہیں ہوئی۔
یہ بھی پڑھیں: ایلون مسک، جیف بیزوس اور زکربرگ انیمیٹرونک روبوٹ ڈاگس بن گئے ، دنیا حیران
کمپنی کا کہنا ہے کہ وہ اس صورتحال پر مسلسل نظر رکھے ہوئے ہے۔ اور مستقبل میں ایسے واقعات سے بچاؤ کے لیے حفاظتی اقدامات کو مزید بہتر کرے گی۔
