نئی فلسطینی سوشل میڈیا ایپ اسکرولڈ تیزی سے مقبول ہونے لگا۔ یہ پلیٹ فارم ٹک ٹاک ، انسٹا گرام اور ایکس کے مقابلے میں کافی تیزی سے مقبول ہورہاہے۔

پلیٹ فارم UpScrolled  فلسطینی ٹیکنالوجسٹ عصام حجازی نے بنایا ہے ۔  اسے ایک  غیر سنسر شدہ اور آزادی اظہار کا پلیٹ فارم قرار دیا جا رہا ہے۔

UpScrolled ایپل کے App Store میں امریکا، برطانیہ اور آسٹریلیا میں سب سے زیادہ ڈاؤنلوڈ ہونے والے ایپ میں شامل ہوچکا۔

پاکستان میں یہ ایپ آٹھویں نمبر پر ہے۔ عصام حجازی کے مطابق،یہ ایپ غزہ پر اسرائیل کی جنگ کے بعد بنائی گئی۔

انہوں نے بتایاکہ میں آزاد صحافیوں اور آن لائن ایکٹیوسٹس سے خبریں حاصل کر رہا تھا اور خود بھی پوسٹ شیئرکر رہا تھا۔

ان کاکہناتھاکہ لیکن جیسے جیسے مہینے گزرتے گئے سچائی کو خاموش یا دبایا جا رہا تھا۔

انہوں نے کہا کہ اپنی کمیونٹی کی آواز بلند کرنے کا دباؤ انہیں اس ایپ کو بنانے کی تحریک ملا۔

خصوصیات

UpScrolled کی ترتیب Instagram جیسی ہے اور اس میں دو فیڈز موجود ہیں:

Following Feed: یہاں صارفین کے منتخب کردہ تخلیق کاروں کی پوسٹس کرونولوجیکل (وقت کے حساب سے) ترتیب میں آتی ہیں۔

Discover Feed: یہاں مشہور پوسٹس آتی ہیں، جن میں وقت کے ساتھ معمولی تبدیلی اور تھوڑی رینڈمنس بھی شامل ہوتی ہے تاکہ مواد تازہ رہے۔

شفاف ماڈریشن

UpScrolled کی ویب سائٹ کے مطابق:

پلیٹ فارم کسی بھی سیاسی یا تجارتی ایجنڈے کو آگے نہیں بڑھاتا۔

کمیونٹی گائیڈلائنز یا قانون کی خلاف ورزی کرنے والی پوسٹس کی ماڈریشن انسان کی نگرانی میں، شفاف اور غیر سیاسی انداز میں کی جائے گی۔

مقصد

UpScrolled کوئی نیا آئیڈیا نہیں بلکہ سوشل میڈیا کی اصل روح کی طرف واپسی ہے۔

عصام حجازی کے مطابق میں چاہتا ہوں کہ UpScrolled ہر ایک کا پلیٹ فارم ہو۔ سیاست اس کے تخلیق کی وجہ تھی، لیکن کامیابی اس کی کمیونٹی اور متنوع مواد میں ہے۔