رئیل اسٹیٹ انڈسٹری میں اے آئی کا استعمال اب معمول بن چکا ہے، جہاں ایجنٹس مختلف ماڈلز کا استعمال کرتے ہوئے پراپرٹیز کی تصاویر میں تبدیلی کرتے ہیں، جس سے لوگوں کے لیے یہ پتہ لگانا مشکل ہو جاتا ہے کہ اصل میں پراپرٹی کیسی نظر آتی ہے۔ تاہم، بعض اوقات اے آئی ایسی غیر معمولی ہالوسینیشنز پیدا کر دیتا ہے جو نہ صرف بے معنی ہوتی ہیں، بلکہ ممکنہ خریداروں کو ڈرا بھی سکتی ہیں۔
ایسا ہی ایک واقعہ واشنگٹن سے تعلق رکھنے والی رئیل اسٹیٹ ایجنٹ کے ساتھ پیش آیا جس نے پروپرٹی کی تصاویر زیادہ دلکش اور پیشہ ورانہ بنانے کے لیے مصنوعی ذہانت کا سہارا لیا تاہم اے آئی نے اپنے ’’تخلیقی‘‘ عمل کے دوران مونسٹر کو بھی شامل کر دیا جس سے تصویر دیکھنے والے کو خوف میں مبتلا کرنے لگی۔
یہ واقعی دلچسپ اور تھوڑا سا مزاحیہ بھی لگتا ہے ایسی غلطیاں عموماً خودکار ایڈیٹنگ سسٹمز یا اے آئی کے استعمال میں ہوتی ہیں، جہاں کبھی کبھار سسٹم کچھ اضافی یا غیر متوقع چیز شامل کر دیتا ہے ایسی ہی ایک غلطی کچھ اس تصویر میں بھی موجود ہے جس میں ایک غیر مرئی مخلوق باتھ روم کے آئینے سے باہر نکلتے دکھائی دے رہی ہے۔
واشنگٹن ڈی سی کی ایک پراپرٹی حال ہی میں سوشل میڈیا پر وائرل ہو گئی، کیونکہ اس میں ایک ایسی تصویر تھی جس میں باتھ روم کے آئینے سے ایک غیرمرئی مخلوق نکل کر سنک پر رکھے پھولوں کے گملے کو پکڑنے کی کوشش کر رہی تھی۔ اس قسم کی ہالوسینیٹنگ اے آئی الگورتھم ہی تخلیق کر سکتا تھا، لیکن حیرانی کی بات یہ ہے کہ ایجنٹ نے یہ تصویر پوسٹ کرنے سے پہلے اس مخلوق کو نوٹس نہیں کیا۔
یہ بھی پڑھیں: خبردار: نیا اینڈرائیڈ وائرس ’’پرومپٹ جاسوس‘‘ اب اے آئی استعمال کرنے لگا
جیسے ہی یہ تصویر سوشل میڈیا پروائرل ہوئی، فورٹ ٹوٹن کی پراپرٹی کی لسٹنگ جواپارٹمنٹ ڈاٹ کام پر تھی، فوراً ہٹا دی گئی، لیکن اس سے پہلے انٹرنیٹ آرکائیو نے اس کی اصل پوسٹ کا ایک کاپی محفوظ کر لی تھی جس میں یہ عجیب و غریب مونسٹر بھی شامل تھا۔
ایک ریڈٹ صارف نے حیرانی کا اظہار کرتے ہوئے کہا،آپ نے تصویر کو پبلش کرنے سے پہلے دیوار سے نکلتے ہوئے اس مونسٹر کونوٹس کیسے نہیں کیا؟” جبکہ دوسرے صارفین نے اس بیزار اے آئی تخلیق سے خوف محسوس کیا۔
ایک شخص نے لکھا، “یہ سب سے بدترین چیز ہے جو آپ سونے سے پہلے دیکھ سکتے ہیں۔ اس چیز نے کسی نہ کسی طرح میرے اندر ایک قدیم خوف کو جنم دیا جو پہلے کبھی محسوس نہیں ہوا تھا۔
