واٹس ایپ نے صارفین کے لیے ایک نیا اے آئی فیچر متعارف کرا دیا ہے جس کا مقصد چیٹنگ کے تجربے کو مزید آسان بنانا ہے۔

رپورٹس کے مطابق میٹا نے 26 مارچ کو “رائٹنگ ہیلپ” کے نام سے ایک نیا ٹول پیش کیا ہے جو گفتگو کے سیاق و سباق کو سمجھتے ہوئے خودکار طور پر جوابات تیار کرنے کی صلاحیت رکھتا ہے۔

کمپنی کے مطابق یہ فیچر صارفین کی پرائیویسی کو مدنظر رکھتے ہوئے کام کرے گا جس کے تحت چیٹس محفوظ رہیں گی جبکہ صارفین کو بہتر اور فوری جوابات فراہم کیے جائیں گے۔

اس نئے اقدام کے ساتھ واٹس ایپ بھی ان بڑی ٹیکنالوجی کمپنیوں کی صف میں شامل ہو گیا ہے جو مصنوعی ذہانت کے ذریعے صارفین کو اسمارٹ جوابات کی سہولت فراہم کر رہی ہیں۔