سابق کپتان اور فاسٹ بولر وسیم اکرم کی لیک ویڈیو سوشل میڈیا پر وائرل ہوگئی۔
تفصیلات کے مطابق سابق کپتان قومی کرکٹ ٹیم وسیم اکرم کی لیکڈ ویڈیو سوشل میڈیا پر وائرل ہوئی ہے جس میں وہ قومی ٹیم پر تنقید کرتے ہوئے دکھائی دے رہے ہیں۔
ذرائع کے مطابق سا بق کپتان وسیم اکرم اس ویڈیو میں کہہ رہے ہیں کہ اب تک ٹیم میں پرانے طریقے استعمال ہورہے ہیں، باتیں بڑی بڑی ہوتی ہیں اور کارکردگی صفر ہے۔
ہائے مہنگائی، وسیم اکرم کی اہلیہ کا شادی میں ٹماٹر اور چلغوزے کا تحفہ دینے کا مشورہ
وسیم اکرم اس کے ساتھ ساتھ یہ بھی دعویٰ کرتے نظر آرہے ہیں کہ اب انہوں نے پرانے طریقوں سے نجات کا حل ڈھونڈ لیا ہے۔
ویڈیو میں موجود شخص وسیم اکرم سے اصرار کرتا رہا کہ کیا طریقہ ڈھونڈا ہے بتاتو دیں جس پر وسیم اکرم مسکراتے ہوئے کہہ رہے ہیں کہ سب کچھ ابھی ہی بتادوں۔
دوسری جانب وسیم اکرم کی اس ویڈیو کے سوشل میڈیا پر آتے ہی مثبت اور منفی دونو ں قسم کی تنقید ہو رہی ہے تاہم سا بق کر کٹر شعیب اختر، وسیم اکرم کی حمایت میں میدان میں آگئے ہیں اور انھوں نے بھی ایک ویڈیو بنا کر اسے ٹوئٹر پر شئیر کر تے ہوئے تبدیلی کی ضرورت کا نعرہ بلند کیا ہے۔
I support the Leaked Video of Wasim Akram, We need a change.#wasimakram #ShoaibAkhtar pic.twitter.com/OoW6AXfC4u
— Shoaib Akhtar (@shoaib100mph) December 26, 2019
واضح رہے کہ سرفراز احمد کو کپتانی سے ہٹائے جانے کے بعد سے قومی ٹیم کی کارکردگی میں واضح فرق آیا ہے، آسٹریلیا سے سیریز میں وائٹ واش ہوا، سری لنکا کے خلاف ٹی ٹوینٹی سیریز میں ناکامی کا سامنا کرنا پڑا۔
سری لنکا کے خلاف حالیہ ٹیسٹ سیریز میں قومی ٹیم نے سری لنکا کو شکست دے کر 1-0 سے کامیابی حاصل کی ہے۔
رواں سال وسیم اکرم کو انسداد پولیو کے عالمی دن کے موقع پر انسداد پولیو کا سفیر بھی مقر ر کیا گیا تھا۔
عالمی یوم انسداد پولیو کے حوالے سے اسلام آباد میںمنعقد تقریب میں وسیم اکرم اور کوآرڈینٹر پاکستان پولیو پروگرام نے معاہدے پردستخط بھی کیے ۔
پولیو کے عالمی دن کے موقع پر وسیم اکرم نے تقریب سے خطاب کر تے ہوئے کہا تھا کہ بچوں کو پولیو وائرس سے محفوظ رہنے کا حق ہے اورتمام پاکستانی پولیو کو ہرانے میں ہمارا ساتھ دیں، انسداد پولیوکے دو قطرے ہی پولیو سےبچاؤکا ذریعہ ہیں اورپولیو کے خلاف جیت ہماری ہی ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News