اینگن التان کو پاکستان بلا کر دھوکہ کرنے والے فراڈیے کاشف ضمیر کی نئی واردات سامنے آگئی ہے۔
تفصیلات کے مطابق کاشف ضمیر نے حقائق سے پردہ اٹھانے والے یوٹیوبر علی ورک کو اغوا کی کوشش کی ہے۔
ذرائع کے مطابق گزشتہ روز کاشف ضمیر علی ورک کو ملنے حافظ آباد گئے جہاں انہوں نے علی ورک کو اغوا کرنے کی کوشش کی۔
علی ورک نے جان بچانے کے لیے چلتی گاڑی سے چھلانگ لگا دی جس کی وجہ سے وہ شدید زخمی ہوگئے۔
یوٹیوبر علی ورک کا کہنا ہے کہ کاشف ضمیر اقبال گارڈن آیا تھا، انہوں نے مجھے اغوا کرنے کی کوشش کی، لیکن میں نے گاڑی سے چھلانگ لگا دی۔
ذرائع کے مطابق علی ورک ترکی میں رہائش پزیر یوٹیوبر ہے جبکہ کاشف ضمیر ترکی میں کچھہ روز علی ورک کے پاس مقیم رہا۔
علی ورک کو کاشف ضمیر اور اینگن التان کے معاملے کا بھرپور علم تھا جبکہ علی ورک کے پاس کاشف ضمیر کے خلاف اہم ثبوت بھی موجود تھے۔
یوٹیوبر کا مزید کہنا تھا کہ کاشف ضمیر مجھے کئی دن سے لاہور بلوا رہا تھا ، میں لاہور نہیں گیا تو وہ کل حافظ آباد آ پہنچا، مجھے اقبال گارڈن سے اغوا کیا اور گاڑی لاہور کی طرف بھگا دی، میں نے زبردستی چلتی گاڑی سے چھلانگ لگا دی جس سے میں زخمی ہو گیا۔
انہوں نے کہا کہ کاشف ضمیر مجھے اغوا کرکے لے جا کر قتل کرنا چاہتا تھا۔
صدر پولیس نے مقدمہ درج کرنے کے لئے منصوبہ بندی شروع کردی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News