محنت اور لگن کی شاندار مثال، سموسہ فروش کی بیٹیاں افسر بن گئیں

ویب ڈیسک

19th Mar, 2024. 04:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

محنت اور لگن کی شاندار مثال، سموسہ فروش کی بیٹیاں افسر بن گئیں

محنت اور لگن کی شاندار مثال قائم کرتے ہوئے سندھ کے علاقے ٹنڈو جام میں ایک سموسے بیچنے والے کی دو بیٹیوں نے سندھ پبلک سروس کمیشن (SPSC) کا امتحان پاس کر کے گریڈ 17 کی افسر بن گئیں ہیں۔

تفصیلات کے مطابق مظفرآباد محلہ کے رہائشی حبیب الرحمان انصاری جو کہ ٹنڈو جام میں سموسے فروخت کرتے تھے، ان کی دو بیٹیوں نے ایس پی ایس سی کا امتحان پاس کرنے کے بعد محکمہ لائیو سٹاک سندھ میں گزیٹیڈ آفیسر بننے پر بہت خوش ہیں۔

چھ بچوں کے باپ حبیب انصاری نے اپنے بچوں کی تعلیم کے لیے سب کچھ کیا اور ان کی دو بیٹیاں ڈاکٹر صباحت اور صدف انصاری نے 17ویں جماعت میں افسر بن کر ان کا سر فخر سے بلند کردیا ہے۔

ڈاکٹر صدف ٹنڈو جام میں گریڈ 17 میں ویٹرنری آفیسر کے طور پر تعینات تھیں جبکہ ڈاکٹر صباحت ٹھٹھہ میں بطور ویٹرنری آفیسر کام کر رہی ہیں۔

دونوں لڑکیوں نے خوشی کا اظہار کیا اور انہیں تعلیم دلانے پر اپنے والدین خصوصاً والد کی کوششوں کو سراہا۔