ٹریفک سگنلز پر اکثر دیکھا گیا ہے کہ لوگ بھیک مانگنے کے نت نئے انداز اپناتے ہیں لیکن سوشل میڈیا پر ایک نیا انداز کافی وائرل ہورہا ہے۔
حال ہی میں گوہاٹی میں ٹریفک کے درمیان ایک شخص کو بھیک مانگتے ہوئے دیکھا گیا جس کے گلے میں فون پی کیو آر کوڈ باندھا ہوا تھا۔
آسام میں ایک بصارت سے محروم بھکاری نے اپنے بھیک مانگنے کے طریقے سے انٹرنیٹ کی توجہ حاصل کر لی ہے۔ یہ شخص بھیک مانگنے پر ڈیجیٹل موڑ کے ساتھ سڑکوں پر نکلا ہے وہ بھی بھیک لینے کے لیے فون پی کیو آر کوڈ کا استعمال کرتے ہوئے۔
اس اختراعی انداز کی تصویر کشی کرنے والی ایک ویڈیو ایکس پر کافی وائرل ہوئی ہے، جس میں ایک شخص کو ایک کار کے قریب آتے ہوئے دکھایا گیا، جہاں ایک مسافر اپنا QR کوڈ اسکین کرتا ہے اور اسے 10 روپے منتقل کرتا ہے۔
ویڈیو کو گورو سومانی نے شیئر کیا، جس کے کیپشن میں اس واقعے کی اہمیٹ کو اجاگر کرتے ہوئے بتایا گیا ہے کہ ٹیکنالوجی واقعی کوئی حد نہیں جانتی ہے۔
خیال رہے کہ یہ پہلا موقع نہیں ہے جب کسی بھکاری نے بھیک لینے کے لیے ادائیگی کا ڈیجیٹل طریقہ استعمال کیا ہو۔ اس طرح کے واقعات ممبئی اور دیگر میٹرو شہروں میں بھی دیکھے گئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News