سمندری طوفان کی پیشن گوئی، متعلقہ محکموں میں ایمرجنسی نافذ
کراچی میں سمندری طوفان کی پیشن گوئی کے باعث میئرکراچی کی جانب سے متعلقہ محکموں میں ایمرجنسی نافذ کردی گئی ہے۔
تفصیلات کے مطابق میئر کراچی نے کہا ہے کہ فائربریگیڈ،میونسپل سروسز،سٹی وارڈنز، ریسکیو اوراسپتالوں میں عملہ حاضر رہے اور ہاکس بے میں تعینات بلدیہ عظمی کا ریسکیو عملہ اور سٹی وارڈن شہریوں کو حفاظتی اقدامات سے آگاہ کریں۔
مئیر کراچی وسیم اختر نے احتیاط کے طور پر شہریوں کو ہدایت کی ہے کہ سمندری طوفان کے پیش نظر شہری ہاکس بے جانے سے گریز کریں اور پہلے سے موجود شہری فوری ہاکس بے خالی کر دیں اور سمندر سے دور ہو جائیں۔
واٹراینڈ سیوریج بورڈ اور کےالیکٹرک کو بھی حفاظتی اقدامات کرنے کی ہدایات جاری کردی ہیں۔
شہریوں کو شہری حفاظتی اقدامات کے پیش نظر ہورڈنگز بورڈ کے نیچے کھڑے ہونے، بارش ہونے کی صورت میں بجلی کے پولز سے دور رہنے کی سخت ہدایات جاری کی گئی ہیں جبکہ میونسپل سروسز کا عملہ پانی کی نکاسی کے لئے مشینری کے ساتھ تیار رہنے کی ہدایت کی گئی ہے۔
دوسری جانب ترجمان کے الیکٹرک نے کہا ہے کہ شہری ٹوٹے ہوئے تاروں، بجلی کے کھمبوں اور پی ایم ٹیز سے دور رہیں اور بارش میں بچوں کا خاص خیال رکھیں اور احتیاط برتیں کیونکہ بارش اور کھڑے پانی میں پانی کی موٹر جیسے برقی آلات کا غیر محفوظ استعمال حادثات کا سبب بن سکتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News